ەلوردادا 6 جەلتوقسان كۇنى بارلىعى 16 447 ادام ۆاكتسيناتسيالاندى. جاپپاي ۆاكتسيناتسيا قالاداعى ەپيدەميولوگيالىق جاعدايدى تۇراقتاندىرۋعا مۇمكىندىك بەرەدى دەپ اتاپ ءوتتى سانيتارلىق دارىگەر.
ء«بىزدىڭ بۇگىنگى باستى مىندەتىمىز – قىزىلشادان بولاتىن ءولىم مەن اسقىنۋلاردىڭ الدىن الۋ.
ۆاكتسيناتسيا ينفەكتسيا وشاقتارىندا دا جۇرگىزىلەدى, وندا 1733 بايلانىسقان ادام ەكپە الدى, سونداي-اق قىزىلشاعا قارسى ەكپە الماعان 18 جاسقا دەيىنگى ادامدار انىقتالدى, بۇگىنگى كۇنى جىل باسىنان بەرى 14 374 ادام انىقتالدى, ونىڭ ىشىندە 12 746 (88%) ەكپە الدى», دەپ حابارلادى سارحات بەيسەنوۆا.
سانيتارلىق دارىگەر اۋرۋدىڭ العاشقى بەلگىلەرى بايقالعان بويدا دەرەۋ دارىگەرلەردىڭ كومەگىنە جۇگىنۋ كەرەكتىگىن ەسكەرتەدى.
ولارعا مىنالار جاتادى: تەمپەراتۋرانىڭ 38-40°C دەيىن كوتەرىلۋى; باس اۋرۋى, السىزدىك; تابەتتىڭ تومەندەۋى; كونيۋنكتيۆيت, رينيت, جارىققا قاراي الماۋ; قۇرعاق, اۋىر جوتەل; داۋىستىڭ قارلىعۋى; قىزىلشا ەنانتەماسى – تاڭدايداعى جۇمساق جانە قاتتى ۇلكەن قىزىل داقتار, اۋرۋدىڭ شامامەن 3-4 كۇنىنەن كەيىن دەنەگە تۇسەتىن بورتپە.
«قىزىلشاعا قارسى ۆاكتسيناتسيا – قىزىلشاينفەكتسياسىن, سونداي-اق ونىڭ اسقىنۋىن بولدىرمايتىن جالعىز ءتيىمدى قۇرال. وسىعان بايلانىستى اتا-انالاردى ءوز بالالارىنىڭ دەنساۋلىعىنا جاۋاپكەرشىلىكپەن قاراۋعا, ۆاكتسينانى ۋاقىتىندا الۋعا, سونداي-اق قىزىلشاعا قارسى قوسىمشا جاپپاي يممۋنداۋ اياسىندا بالانى ۆاكتسيناتسيالاۋعا شاقىرامىن», دەدى ەلوردانىڭ سانيتارلىق دارىگەرى.
