فوتو: gov.kz
قالالىق قوعامدىق دەنساۋلىق ساقتاۋ باسقارماسى تۇرعىنداردى مۇمكىندىگىنشە مۇقيات بولۋعا, جازاتايىم جاعدايعا ۇشىراماۋ ءۇشىن ىڭعايلى, جالپاق اياق كيىم كيۋگە, ال, ەگەر, جاراقات العان جاعدايدا مەديتسينالىق كومەك كورسەتۋ پۋنكتەرىنە بىردەن جۇگىنۋ قاجەت ەكەنىن ايتىپ, كەڭەس بەرىپ وتىر. ال بالالار مەن زەينەتكەرلەرگە شۇعىل قاجەتتىلىك بولماعان جاعدايدا ۇيدەن شىقپاۋى قاجەت.
تراۆماتولوگيالىق پۋنكت دارىگەرلەرى اۋرۋحانانىڭ بارلىق بولىمشەلەرىنىڭ قىزمەتكەرلەرىمەن تىعىز بايلانىستا جۇمىس ىستەيدى. ايتا كەتسەك, بۇگىندە №4, 5, 6, 7, 9 10 قالالىق ەمحانالارىندا ساعات 8.00-دەن 20.00-گە دەيىن شۇعىل 4-ساناتتاعى بالالارعا ارنالعان مەديتسينالىق كومەك كورسەتۋ ءۇشىن جەدەل جاردەم بولىمشەلەرى جۇمىس ىستەپ تۇر.
9 قاراشادا №2 كوپبەيىندى قالالىق بالالار اۋرۋحاناسى جانىنداعى نەگىزگى تراۆماتولوگيالىق پۋنكتكە تۇسەتىن جۇكتەمەنى ازايتۋ ماقساتىندا جانە قولجەتىمدى مەديتسينالىق كومەكپەن قامتاماسىز ەتۋ ءۇشىن قوسىمشا تراۆماتولوگيالىق پۋنكت اشىلعان بولاتىن. ول №2 قالالىق ەمحانا بازاسىندا سارىارقا جانە بايقوڭىر اۋداندارى بالالارىنا مەديتسينالىق كومەك كورسەتەدى.
ەسكە سالايىق, استانادا كوكتايعاقتى بولدىرماس ءۇشىن جولدار مەن تروتۋارلارعا قۇم-تۇز قوسپالارى سەبىلەدى, كوممۋنالدىق قىزمەتتەر تاۋلىك بويى كۇشەيتىلگەن رەجيمدە جۇمىس ىستەپ جاتىر.
