مينيستر ماسەلەنى شەشۋ ءۇشىن ايماق اكىمدىكتەرى پەداگوگيكالىق ماماندىقتارعا مەملەكەتتىك ءبىلىم بەرۋ تاپسىرىسىن وڭىردەگى قاجەتتىلىككە قاراي سارالاپ ءبولۋ قاجەت دەدى. حالىق سانىنىڭ ارتۋىنا بايلانىستى پەداگوگ ماماندارعا سۇرانىس الداعى 5 جىلدا الماتى, استانا جانە شىمكەنت قالالارى مەن الماتى, اتىراۋ, تۇركىستان وبلىستارىندا كۇرت ارتۋى مۇمكىن.
ال پەداگوگ مامانداردى دايىندايتىن كوللەدجدەرگە مينيسترلىك تالاپتى كۇشەيتىپ وتىر.
«بيىلدان باستاپ مينيسترلىك كوللەدجدەرگە قويىلاتىن بىلىكتىلىك تالاپتارىن كۇشەيتتى. اتاپ ايتقاندا, كەمىندە 5 پەداگوگيكالىق ماماندىق بويىنشا ليتسەنزيانىڭ بولۋىن جانە بىتىرۋشىلەردىڭ كەمىندە 90%-ىن جۇمىسقا ورنالاستىرۋىن قامتاماسىز ەتۋى ءتيىس. بۇدان باسقا, اكادەميالىق ۇتقىرلىق, ماماندىق بويىنشا ليتسەنزيالاۋ, سونداي-اق پەداگوگ كادرلاردى دايارلاۋدا قاشىقتان وقىتۋدى شەكتەۋ ماسەلەسى زاڭنامالىق تۇرعىدا بەكىتىلىپ جاتىر», دەدى عاني بيسەمباەۆ.
مينيستر 6 مىڭنان استام پەداگوگ باعدارلامالاردى ازىرلەۋدىڭ جاڭا تاسىلدەرى بويىنشا بىلىكتىلىكتەرىن ارتتىرعانىن باياندادى.
«كادرلاردى دايارلاۋ ساپاسىن ارتتىرۋ جانە ادىستەمەلىك قامتاماسىز ەتۋ ماقساتىندا «پەداگوگ» كاسىپتىك ستاندارتى بەكىتىلدى. ناتيجەسىندە كوللەدجدەر جۇمىس بەرۋشىلەرمەن بىرلەسىپ, پەداگوگ كاسىپتىك ستاندارتى نەگىزىندە 554 باعدارلامانى, جاڭارتىپ ىسكە اسىرۋدا», دەدى وقۋ-اعارتۋ ءمينيسترى.
