وبلىستىق اۋىل شارۋاشىلىعى جانە جەر قاتىناستارى باسقارماسىنىڭ باسشىسى تالعات دۇيسەباەۆتىڭ ايتۋىنشا باعدارلاما وڭدەۋ, ەگىن كووپەراتيۆتەرىن جابدىقتاۋ, مال شارۋاشىلىعى جانە باسقا باعىتتاعى بيزنەس جوبالارعا ارنالىپ وتىر. بۇگىندە 342 جوبانىڭ قۇجاتتارىن نەسيە كوميتەتى ماقۇلداپ, 142 جوباعا قارالعان. نەسيە 18 كووپەراتيۆ پەن 124 جەكە كاسىپكەرگە بەرىلدى. وسىنىڭ ناتيجەسىندە جۇزدەگەن جۇمىس ورنى اشىلعان.
ەلدەگىلەر ءۇشىن «اۋىل اماناتىنىڭ» تاعى ءبىر تيىمدىلىگى – جەكە قوسالقى شارۋاشىلىقتاردىڭ جۇمىسىنا قولداۋ كورسەتىلەتىندىگى. وسىلايشا, شاعىن تسەحتار, جىلىجاي ءوندىرىسى, ومارتا, بالىق جانە قۇس شارۋاشىلىعىن دامىتۋعا دەم بەرەدى.
بۇل ءسوزىمىزدىڭ ءبىر دالەلى – شيەلى اۋدانىنداعى بيدايكول اۋىلىندا اشىلعان قىزاناق وڭدەۋ تسەحى. اۋداننان «اۋىل اماناتى» اياسىندا 584 ملن تەڭگە بولاتىن 79 جوبا قولداۋ تاۋىپتى.
اۋىل كاسىپكەرى قانات مۇساەۆتىڭ بۇل باستاماسىنىڭ جوبالىق قۇنى – 48 ملن تەڭگە. «اۋىل اماناتى» ارقىلى تومەن پايىزبەن 27,6 ملن تەڭگە قاراجات العان وعان اتامەكەن كاسىپكەرلىك پالاتاسى ماماندارىنىڭ كومەگى كوپ تيگەن. بۇگىندە تسەحتا 6 ادام تۇراقتى جۇمىس ىستەسە, جاز ايلارىندا 15 ادامعا دەيىن جۇمىسپەن قامتىلادى. الداعى ۋاقىتتا اۋىلداعى ءوندىرىس اياسىن بۇدان ءارى كەڭەيتۋ كوزدەلىپ وتىر.
قىزىلوردا
