فوتو: primeminister.kz
پرەمەر-ءمينيستردىڭ ورىنباسارى سەرىك جۇمانعارين مەن يران اۋىل شارۋاشىلىعى ءمينيسترى موحامماد الي نيكباحتتىڭ تەڭ توراعالىعىمەن وتكەن شاراعا ەكى ەل مينيسترلىكتەرى مەن مەملەكەتتىك كاسىپورىندارىنىڭ وكىلدەرى قاتىستى. ۇكىمەتارالىق كوميسسيا وتىرىسىندا تاراپتار ساۋدا, اۋىل شارۋاشىلىعى, لوگيستيكا, ەنەرگەتيكا, دەنساۋلىق ساقتاۋ, ءبىلىم بەرۋ, تۋريزم جانە باسقا دا سالالارداعى مەملەكەتارالىق قاتىناستاردىڭ تابىستى دامىپ كەلە جاتقانى ايتىلدى. الداعى ۋاقىتتا قازاقستان مەن يران اراسىنداعى تاۋار اينالىمىن ءۇش ميللياردتىق مەجەگە جەتكىزۋ مىندەتى قويىلىپ وتىر.
«وسى تاپسىرمانى ورىنداۋدىڭ العاشقى قادامى ءوزارا تاۋار اينالىمىن $3 ملرد-قا جەتكىزۋ جونىندەگى ءىس-شارالار جوسپارىنا قول قويۋ بولادى. قۇجات ەكسپورتتاۋشى كاسىپورىنداردى بىرنەشە باعىتتا قولداۋدى كوزدەيدى: ءوزارا ساۋدا كولەمىن ۇلعايتۋ, ساۋدا-ساتتىقتاعى شەكتەۋلەردى الىپ تاستاۋ, ەكىجاقتى كليرينگ مەحانيزمىن ەنگىزۋ», دەدى س.جۇمانعارين.
يراننىڭ اۋىل شارۋاشىلىعى ءمينيسترى موحامماد الي نيكباحتتىڭ ايتۋىنشا, يراندىق كاسىپورىندار قازاقستانعا بالىق جانە ءسۇت ونىمدەرى, بال, جەمىستەر مەن كوكونىستەر, كەپتىرىلگەن جەمىستەر جانە باسقا دا ازىق-ت ۇلىك ونىمدەرىن جەتكىزۋدى ۇيىمداستىرا الادى. سونداي-اق يراندىق تاراپ قازاقستان ينۆەستيتسياسىنا قىزىعۋشىلىق تانىتتى. تەگەران قازاقستاننان كەلگەن ينۆەستورلارعا يراننىڭ ەركىن ەكونوميكالىق ايماقتارىندا بيزنەس جۇرگىزۋ ءۇشىن ەرەكشە جاعدايلار جاساۋعا دايىن. كولىك-لوگيستيكالىق ىنتىماقتاستىقتى دامىتۋ جايى دا تالقىلاندى. س.جۇمانعارين تەگەرانعا جۇمىس ساپارى بارىسىندا اۋىل شارۋاشىلىعى, تۇرعىن ءۇي-كوممۋنالدىق شارۋاشىلىق, ينۆەستيتسيا, تاۋ-كەن جانە مەتاللۋرگيا ونەركاسىبى, ونەركاسىپ جانە كولىك سالالارىنداعى جەتەكشى يراندىق كاسىپكەرلەرمەن كەزدەستى. جيىن سوڭىندا ەكى ەل اراسىنداعى تاۋار اينالىمىن $3 ملرد-قا دەيىن جەتكىزۋ جونىندەگى ءىس-شارالار جوسپارىنا قول قويدى.
