فوتو: boxingkazakhstan
بوكستان ۇلتتىق قۇراما مۇشەلەرى كۋبا بوكسشىلارىمەن تىزە قوسىپ وقۋ-جاتتىعۋ جيىنىن وتكىزەدى. بۇگىننەن باستالاتىن بىرلەسكەن جاتتىعۋ ءورىسى 16 جەلتوقسانعا دەيىن جالعاسادى. 17 جەلتوقسان كۇنى قاراعاندى قالاسىندا عالىم جارىلعاپوۆتى ەسكە الۋعا ارنالعان حالىقارالىق تۋرنير جالاۋىن كوتەرەدى. كۋبادان كەلگەن 9 بوكسشى دا وسى دوداعا قاتىسپاق. قۇرامانىڭ باس باپكەرى كارلوس مانۋەل پەرەس رەيەس قازاقستانعا شاقىرعان بوكس فەدەراتسياسىنىڭ باسشىلىعىنا العىسىن ءبىلدىرىپ, ەكى ەل بوكسشىلارىنىڭ اراسىندا بەرىك قاتىناس ورناعانىن ايتتى.
