دارىگەردىڭ ايتۋىنشا, جۇكتىلىكتى جوسپارلاماس بۇرىن ەكپە الۋ قاجەت. بۇل شارا ايەلدىڭ ءوزىن عانا ەمەس, ونىڭ قۇرساعىنداعى بالاسىن دا قىزىلشا اۋرۋىنان ساقتايدى.
«كەز كەلگەن ايەل جۇكتىلىكتى جوسپارلاۋ كەزىندە تەكسەرۋدەن ءوتىپ, دەنساۋلىعىن جاقسارتادى. ۆاكتسيناتسيا قاۋىپسىزدىك شارالارىنىڭ ءبىرى بولىپ سانالادى. جۇكتىلىككە دەيىن قابىلداساڭىز, قىزىلشادان قورعايدى», دەپ جاۋاپ بەردى اسەل قالىقوۆا.
ەگەر جۇكتىلىك كەزىندە ايەل الدىن-الا ءوزىنىڭ قاۋىپسىزدىگىنە الاڭداسا, بۇل ءۇشىن يممۋنوگلوبۋلين بار.
«ۆاكتسينا ءتىرى, ءبىز ەشقاشان تاۋەكەلگە بارمايمىز. ءدارىحانالاردا ساتىلاتىن قىزىلشاعا قارسى يممۋنوگلوبۋلين بار», دەپ اتاپ ءوتتى سانيتارلىق دارىگەر.
