فوتو: gov.kz
«پروكۋراتۋرا ورگاندارىنىڭ قاداعالاۋ قىزمەتىنىڭ باسىم باعىتتارىنىڭ ءبىرى مەملەكەت مۇددەلەرىن قورعاۋ. ۇلىتاۋ وبلىسى قاراجال قالاسىنىڭ پروكۋراتۋراسىمەن جايرەم كەنتىنىڭ اۋرۋحاناسىندا بيۋدجەت قاراجاتىن جىمقىرۋ فاكتىلەرى انىقتالدى.
وسى مەديتسينالىق مەكەمەنىڭ «ب» جانە «T» بۋحگالتەرلەرى 2021-2022 جىلدارى اۋرۋحانادا ءىس جۇزىندە جۇمىس ىستەمەگەن ادامدارعا ء(«ولى جاندار» دەپ اتالاتىندارعا) 5,1 ملن تەڭگەنى زاڭسىز اۋدارعان. ءارى قاراي جىمقىرىلعان قاراجاتتى اتالعان بۋحگالتەرلەر ءوز پايدالارىنا يەمدەنگەن.
بۇل فاكت بويىنشا پروكۋراتۋرامەن قىلمىستىق كودەكستىڭ 189-بابى (سەنiپ تاپسىرىلعان بوتەن مۇلiكتi يەمدەنiپ الۋ نەمەسە تالان-تاراجعا سالۋ) بويىنشا سوتقا دەيىنگى تەرگەپ-تەكسەرۋ باستالعانى», جازىلعان اقپاراتتا.
قاراجال قالالىق سوتى ۇكىم شىعارىپ, جايرەم كەنتى اۋرۋحاناسىنىڭ بۋحگالتەرلەرى كىنالى دەپ تانىلىپ, ولارعا باس بوستاندىعىن شەكتەۋ تۇرىندە 2 جىل جانە 3 جىل 6 اي مەرزىمگە جازا كەسىلىپ, مەملەكەتكە كەلتىرىلگەن زالالدى وتەۋ بويىنشا شارالار قابىلدانعانىن حابارلادى پروكۋراتۋرانىڭ ءباسپاسوز قىزمەتى.
