senate.parlam.kz
«بۇل زاڭدا جەكە تۇلعالاردىڭ كىرىستەرىن بوساتۋ نورمالارى بار. ولار كوللەكتورلىق ۇيىمدار وسى تۇلعالاردىڭ قارىزدارىن ەسەپتەن شىعارعان كەزدە قالىپتاسادى. ياعني, ولار ەسەپتەن شىعارىلادى, بىراق كىرىس رەتىندە ەسەپتەلمەيدى جانە سايكەسىنشە سالىق الىنبايدى. تاعى ءبىر مىسال, ميكروقارجى ۇيىمدارى پروبلەمالى قارىز الۋشىلاردىڭ ميكروكرەديتتەرىن ەسەپتەن شىعارۋىنا بايلانىستى تابىسقا سالىق سالۋدان ءۇش جىلعا بوساتىلادى. بۇل –ازاماتتاردىڭ قارىزدارىن ەسەپتەن شىعاراتىن ميكروكرەديتتىك ۇيىمداردى مەملەكەت تاراپىنان قولداۋ ءۇشىن جاسالعان قادام. مۇنداي ءتاسىل اتالعان ۇيىمداردى ىنتالاندىرادى دەپ سەنەمىز. جالپى, الداعى ۋاقىتتا زاڭدى ءتۇسىندىرۋ كەزىندە ونىڭ ۇستانىمدارىن دۇرىس ءتۇسىنۋ قاجەت. بۇل زاڭ قارىز الۋشىلار مەن كەيبىر نەسيە بەرۋشىلەردىڭ جاۋاپسىز ارەكەتتەرىن ىنتالاندىرۋ رەتىندە قابىلدانباۋى كەرەك», دەدى م. اشىمباەۆ.
ماۋلەن اشىمباەۆ حالىقتىڭ نەسيە الىپ, قارىزدانۋىن تومەندەتۋ ءۇشىن بارلىق مۇددەلى تاراپ بەلسەندى جۇمىس ءجۇرىپ جاتقانىن ايتتى. بۇل باعىتتاعى باسىم مىندەتتەردىڭ ءبىرى – قايتارىلمايتىن نەسيەلەرمەن جۇمىس ىستەۋ.
«مۇنىڭ ءبارى ءبىز ادامداردى ودان ءارى نەسيە الۋعا, ولاردى قايتارماۋعا, كەيىن نەسيەلەردى ەسەپتەن شىعارۋعا ىنتالاندىرامىز نەمەسە ميكروكرەديتتىك ۇيىمدار ولاردى ەسەپتەن شىعارادى دەگەندى بىلدىرمەيدى. ادامداردى وعان يتەرمەلەمەۋىمىز كەرەك. قالاي بولعاندا دا, ءبىز ءۇشىن حالىقتىڭ نەسيە الىپ, قارىزدانۋىن تومەندەتۋ ماڭىزدى. ءبىز بۇل ماسەلەنى ءبىرىنشى رەت كوتەرىپ وتىرعان جوقپىز. سوڭعى كورسەتكىشتەردى قاراستىرساق, بىزدە وسى جىلدىڭ ون ايىندا تۇتىنۋشىلىق نەسيەلەر بويىنشا حالىقتىڭ مەرزىمى وتكەن قارىزى شامامەن 18%-عا وسكەن. بۇل جونىندە جىل باسىنان بەرى ايتىپ كەلەمىز. سوعان قاراماستان مەرزىمى وتكەن بەرەشەك, جالپى حالىقتىڭ قارىزى ازايماي, كەرىسىنشە, ءوسىپ وتىر. قازىر قابىلداپ وتىرعان نورمالارمەن ءبىز كەيبىر ماسەلەلەردى شەشۋگە تىرىسامىز. الايدا, بۇل مەملەكەت نەسيەنى قايتارماۋدى ىنتالاندىرادى دەپ قابىلدانباۋى قاجەت. وسى باعىتتا ءبىز ۇكىمەت وكىلدەرىمەن, مەملەكەتتىك ورگاندارمەن, ۇلتتىق بانكپەن, قارجى نارىعىن رەتتەۋ جانە دامىتۋ اگەنتتىگىمەن بەلسەندى جۇمىس ىستەۋىمىز كەرەك», دەدى سەنات سپيكەرى.
