فوتو: inbusiness.kz
«ەلىمىزدە قىزىلشامەن اۋىرعان ناۋقاستار ءۇشىن ينفەكتسيالىق اۋرۋحانالاردا 3,5 مىڭنان استام توسەك-ورىن اشىلدى. قازىر 2 مىڭنان استام بالا ستاتسيونارلىق ەم قابىلداپ جاتىر. ناۋقاستار اراسىندا جۇكتى ايەلدەر دە بار. پاتسيەنتتەردى توسەك-ورىنمەن قامتۋ 60 پايىزدى قۇرايدى, رەزەرۆتە تاعى 1 مىڭنان استام توسەك-ورىن ساقتاۋلى», دەدى ۆەدومستۆو باسشىسى.
قىزىلشا بويىنشا جاعدايدى تۇراقتاندىرۋ ماقساتىندا جوسپارلى ۆاكتسيناتسيالاۋمەن 600 مىڭنان استام بالا قامتىلدى, بۇل 1 جاس جانە 6 جاس ارالىعىنداعى بالالاردىڭ 84%-ىن قۇرايدى. ددۇ ۇسىنىمىنا سايكەس بۇل كورسەتكىش 80-نەن كەم بولماۋى كەرەك. جىل سوڭىنا دەيىن وسى جاس توبىنداعى 100 مىڭنان استام بالا ۆاكتسينا الۋى كەرەك.
اجار عينياتتىڭ ايتۋىنشا, قىزىلشامەن اۋىرعان وتباسىلاردا ەكپە الماعان, بىراق ناۋقاسپەن بايلانىستا بولعان 15 مىڭنان استام ادام شۇعىل ەكپە العان. بۇرىن ۆاكتسينا الماعان 18 جاسقا دەيىنگى 63 مىڭنان استام ادام ەكپە سالدىرىپتى.
«قازىرگى ەپيدەميالىق جاعدايعا بايلانىستى 5 جاسقا دەيىنگى بالالاردىڭ اراسىندا سىرقاتتانۋشىلىقتى توقتاتۋ ءۇشىن, ياعني قىزىلشا اۋرۋىمەن اۋىرعانداردىڭ 65% بالالار بولعاندىقتان, 6 قاراشادان باستاپ وسى سانات اراسىندا قوسىمشا جاپپاي يممۋنداۋ باستالدى. 100 مىڭنان استام بالا ەكپە الدى», دەدى اجار عينيات وكق الاڭىندا وتكەن ءباسپاسوز كونفەرەنتسياسىندا.
