فوتو: gov.kz
عىلىم جانە جوعارى ءبىلىم مينيسترلىگىنىڭ ءباسپاسوز قىزمەتى مالىمەتىنشە وسى كۇندەرى د.سنوۋ حيميا جانە حيميالىق تەحنولوگيا كافەدراسىنىڭ مەڭگەرۋشىسى مارجان قالماحانوۆامەن بىرلەسىپ جامبىل وبلىسىنداعى سۋ اعىندارىن زەرتتەۋ جوباسى بويىنشا جۇمىستى باستاپ كەتكەن. اتالعان عىلىمي جوبانى اقش ءبىلىم مينيسترلىگى قارجىلاندىراتىنى كۇتىلىپ وتىر. ناتيجەسىندە اقش-تىڭ دوكتورانتتارى مەن ماگيسترانتتارى م.دۋلاتي ۋنيۆەرسيتەتىنە كەلىپ, سۋدىڭ حيميالىق قۇرامىن زەرتتەۋ باعىتىندا جۇمىس جۇرگىزىپ, تاجىريبە الماساتىن بولادى.
Daniel Snow مەن مارجان قالماحانوۆا اسا اۋىلى ماڭىنداعى تۇرمىستىق قالدىقتان جيىلعان سۋدىڭ قۇرامىن انىقتاۋ ماقساتىندا ءۇش اي ەكسپەريمەنت جۇرگىزىپ, ۇلگىسىن نەبراسكا ۋنيۆەرسيتەتىنە جىبەردى. ناتيجەسىندە قۇرامىندا ادام دەنساۋلىعىنا قاۋىپ توندىرەتىن زياندى قوسپالار انىقتالعان. ەندى فيلتراتسيالىق جۇيە ورناتۋ جۇمىستارىن اتقارۋ جوسپارلانىپ وتىر.
«جامبىل وبلىسىنداعى ۇلكەن پروبلەما – فيلتراتسيالىق جۇيەنىڭ بولماۋى. قالانىڭ بارلىق تۇرمىستىق سۋى اسا ەلدىمەكەنى ماڭىنا بارىپ قۇيادى, جەرگە سىڭگەن زياندى سۋدى قايتادان ءوزىمىز تۇتىنامىز», دەيدى مارجان قالماحانوۆا.
Daniel Snow «عىلىمدى كليماتتىق وزگەرىسكە باعىتتاۋ كەرەك, سۋدىڭ, اۋانىڭ تازالىعىن ۇنەمى زەرتتەپ, ونى جاقسارتۋ بويىنشا جۇمىستى جەتىلدىرۋ اسا قاجەت», دەيدى.
ۋنيۆەرسيتەتتەر ىنتىماقتاستىعى حالىقارالىق دەڭگەيدە قىزمەت ەتۋدىڭ ءتيىمدى مۇمكىندىكتەرىن كورسەتەدى, ەل مۇددەسى ءۇشىن قولدانبالى عىلىمي-زەرتتەۋ ازىرلەمەلەرىن جۇرگىزۋگە جول اشادى.
