اپاتقا كىنالىلەردىڭ جازاسى

«ەكىباستۇزجىلۋەنەرگو» جشس­­­­نىڭ­­­ بۇ­رىنعى باس ديرەكتو­رى­­­­­­ پا­ۆەل مەلنيچۋك, ستانسا بولىم­­­شە­­سىنىڭ بۇرىنعى باسشىسى ۆيكتور ۆەبەر جانە «ەكىباستۇز جىلۋ جەلىلەرى» جشس-نىڭ بۇ­رىن­­عى­ ديرەكتورى ەۆگەني گور­ۆات قىلمىستىق كودەكستىڭ 254-بابى («مىندەتتەرىنە ادال قارا­ماۋ») بويىنشا كىنالى دەپ تانىلىپ, ەكى جىل التى ايعا باس بوستاندىعى شەكتەلدى.

«سوتتالۋشىلاردىڭ كىناسى سوت وتىرىسى بارىسىندا دالەل­دە­­مە­لەر جيىنتىعىمەن راستال­دى. ەكىباستۇزداعى اتالعان كوم­مەر­تسيالىق ۇيىمداردىڭ باسقارۋ فۋنكتسيالارىن ورىنداعان سوتتالۋشىلار 2022-2023 جىلدار­دا­عى جىلىتۋ ماۋسىمىنا دا­يىن­­دىق جۇمىستارىن تولىق قام­تا­­ما­سىز ەتۋدە ءتيىستى شارالار­ قول­دانباعان. 2022 جىلعى 27 قاراشا كۇنى ەكىباستۇزداعى «ەكىباس­تۇز­جىلۋەنەرگو» جشس جىلۋ جەلى­لەرىندە اپات بولدى. اپات سال­دارى اۋىر زارداپتارعا اكەپ سوق­تىر­دى جانە قالادا توتەن­شە­ جاع­داي­ ەنگىزىلدى», دەدى سۋديا اسەل تاز­بۋ­لا­توۆا.

قىلمىس اۋىرلىعى ورتاشا قىلمىستار تۇرىنە جاتا­تىن­دىق­تان قىلمىستىق كودەكستە كىنالى تۇل­عا­­لاردى 5 جىلعا دەيىن باس بوس­تان­­دىعىنان شەكتەۋ نەمەسە باس بوستاندىعىنان ايىرۋ جازا­سى قاراستىرىلعان. ء«ىستى قاراۋ بارى­سىندا جاعدايدى اۋىر­لا­تا­تىن نەمەسە جەڭىلدەتەتىن ءمان-جاي­لاردىڭ بولماۋىنا بايلانىس­تى جازا مولشەرى كورسەتىلگەن مەرزىمنىڭ جارتىسىنان, ياعني ­2 جىل 6 ايدان اسپاۋعا ءتيىس. سوت­تا­لۋشىلاردىڭ جەكە باسى مەن وتباسىلىق جاعدايىن, ولار­دىڭ اۋىر زارداپتاردىڭ تۋىن­داۋىنا ابايسىزدىقتان جول بەر­گە­نىن ەسكەرە وتىرىپ, سوت ولارعا پرو­با­تسيالىق باقىلاۋ بەلگىلەدى. ياعني ءماجبۇرلى ەڭبەككە تارتا وتى­رىپ, ارقايسىسىنا 2 جىل 6 اي مەرزىمگە باس بوستان­دى­عى­نان شەكتەۋ تۇرىندەگى جازا تاعا­يىن­دادى», دەپ اتاپ ءوتتى قالالىق سوت­تاعىلار.

بۇعان دەيىنگى سوت وتىرىس­تا­رىندا پروكۋرورلار ايىپ­تا­لۋ­شىلارعا 5 جىلعا باس بوس­تان­دىعىنان ايىرۋ جازاسىن سۇراعان. سوت ۇدەرىسى 4 ايعا جۋىق سوزىلىپ, 59 زارداپ شەگۋشىدەن سۇراۋ سالىندى. سوتقا 80 ازامات كۋاگەر رەتىندە تارتىلعان.

پاۆلودار وبلىسى,

ەكىباستۇز قالاسى