فوتو: polisia.kz
ارنايى وپەراتسيا جۇرگىزۋ كەزىندە 39 قىلمىس انىقتالعان. اعزا ساۋداسىنىڭ 1 فاكتىسى, ەڭبەككە تارتۋ ماقساتىمەن زاڭسىز باس بوستاندىعىنان ايىرۋدىڭ 3 دەرەگى تىركەلگەن. ودان بولەك الماتى وبلىسىندا 24 جاستاعى تۇرعىن جۇكتىلىكتىڭ جەتىنشى ايىندا قۇرساعىنداعى بالانى ساتۋدىڭ امالىن ويلاعان. الەۋمەتتىك جەلىدە حابارلاندىرۋ جاريالاپ, ساتىپ الۋشىنى دا تاپقان. بالا ساتىپ الۋشىلار كەلىنشەكتىڭ نەسيە قارىزىن وتەپ بەرمەككە كەلىسكەن. كۇدىكتىنىڭ ۇستىنەن «كامەلەتكە تولماعاندار ساۋداسى» بابى بويىنشا سوتقا دەيىنگى تەرگەۋ باستالدى.
شىمكەنت قالاسىندا دا 23 جاستاعى تۇرعىن بالاسىن دەلدال ارقىلى ساتپاق بولعاندا ۇستالدى. بالا سابيلەر ۇيىنە وتكىزىلىپ, كۇدىكتى قاماۋعا الىندى. بۇل تۋرالى بۇعان دەيىن حابارلاعان ەدىك.
