ءۇش كۇندىك «Hi-Tech» ءىس-شاراسىن وتكىزۋ كەزىندە رەسپۋبليكا اۋماعىندا 125-تەن اسا كيبەرقىلمىس تىركەلدى. سونىمەن قاتار بۇرىن جاسالعان 300-گە جۋىق قىلمىس انىقتالدى. ونىڭ ىشىندە 270-تەن استامى ينتەرنەتتەگى الاياقتىق. الاياقتار ازاماتتاردى الداۋ ءۇشىن ءارتۇرلى سىلتاۋلاردى قولدانادى.

«مىسالى, استانا تۇرعىنى مەسسەندجەر ارقىلى مەملەكەتتەن پاتەر الۋ ءۇشىن كەزەكتى جىلجىتۋ سىلتاۋىمەن قىزمەت ۇسىنعان. قازىرگى ۋاقىتتا ونىڭ 25 وسىعان ۇقساس فاكتىگە قاتىسى بار ەكەندىگى دالەلدەندى, سونىڭ سالدارىنان ازاماتتار 12 ملن تەڭگەدەن استام سوماعا الدانعان. كۇدىكتىدەن ەشقايدا كەتپەۋ تۋرالى جازىلىم الىنىپ, ءىس بويىنشا تەرگەۋ جۇرگىزىلىپ جاتىر. الاياقتىق جاساۋدىڭ تاعى ءبىر كەڭ تارالعان ءتاسىلى – جۇك تاسىمالداۋ قىزمەتتەرىن ۇسىنۋعا ارنالعان ينتەرنەت سايتتارىن پايدالانۋ. وسىنداي الاياقتاردىڭ ءبىرىن اقمولا وبلىسىنىڭ قىزمەتكەرلەرى قوستاناي قالاسىندا ۇستادى. ونىڭ تاعى وسىنداي 15 قىلمىسقا قاتىسى بار ەكەنى دالەلدەندى. زالال سوماسى جانە باسقا جابىرلەنۋشىلەر انىقتالىپ جاتىر. قازىرگى تاڭدا كۇدىكتى وسى ايىپپەن ۋاقىتشا ۇستاۋ يزولياتورىنا قامالدى», دەلىنگەن ءىىىم حابارلاماسىندا.

مينيسترلىك مۇنداي الاياقتىق سحەمالارىنىڭ ءالى دە قاۋىپتى ەكەنىن ەسكەرتىپ, ونلاين-ساۋدا بارىسىندا تۇرعىنداردى ساق ويلاۋعا شاقىرادى. 

ءىىم تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگى جىلدىڭ قاراشا اينىنان, بۇگىنگە دەيىن 43 ميلليوننان استام «شەتەلدىك الاياقتاردىڭ» ارەكەتىنە توسقاۋىل بولعان.

«سونىمەن قاتار جىل باسىنان بەرى قارجى پيراميدالارى مەن باسقا دا الاياقتىق ۇيىمداردىڭ زاڭسىز ارەكەتتەرىن جارنامالايتىن 682 كۇدىكتى سايت انىقتالدى, ولاردىڭ 113-ءى بۇعاتتالدى», دەلىنگەن ىىىم حابارلاماسىندا.