فوتو: KZgovernment
ۇكىمەت باسشىسى ءاليحان سمايىلوۆ تەلەكوپىر رەجيمىنە قاتىسىپ, قۇرىلىس جۇمىسىن رەسمي باستاپ بەردى. ينفراقۇرىلىمدىق جوبا پرەزيدەنت قاسىم-جومارت توقاەۆتىڭ تاپسىرماسى بويىنشا قولعا الىنىپ وتىر. ەلىمىزدىڭ كولىك-ترانزيتتىك الەۋەتىن دامىتۋعا باعىتتالعان جوبانىڭ اياسىندا قازاق-وزبەك مەملەكەتتىك شەكاراسىندا جاڭا وتكىزۋ بەكەتى بوي كوتەرەدى. ۇزىندىعى 152 شاقىرىمعا سوزىلاتىن داربازا – ماقتاارال تەمىر جولى ىسكە قوسىلسا, وزبەكستان باعىتىنداعى ەكسپورتتىق تاسىمال كولەمى ۇلعايادى.
«تەمىرجول – مەملەكەتىمىزدىڭ ەكونوميكالىق جانە الەۋمەتتىك ءومىرىنىڭ دامۋىن قامتاماسىز ەتەتىن بولات ارتەريالار. وتكەن جىلى تەمىرجولدارمەن قازاقستان تاۋەلسىزدىگىنىڭ 30 جىلدىعىنداعى ەڭ جوعارى جۇك كولەمى تاسىمالدانىپ, ول 245 ملرد توننا-كيلومەتردى قۇرادى. مۇنداي قارقىندار گەوساياسي جاعدايلارعا جانە ينفراقۇرىلىمدىق شەكتەۋلەرگە قاراماستان بيىل دا ساقتالىپ وتىر», دەدى ءا.سمايىلوۆ.
ەكى كەزەڭ بويىنشا جۇزەگە اساتىن جوبادا الدىمەن «سىرداريا» ستانتسياسىنا شىعاتىن وزبەكستاننىڭ مەملەكەتتىك شەكاراسى ارقىلى ەرداۋت – ماقتاارال جەلىسى سالىنادى. ەكىنشى كەزەڭدە جەتىساي – وزبەكستاننىڭ مەملەكەتتىك شەكاراسى تارماعىن پايدالانۋعا بەرۋ كوزدەلىپ وتىر. جاڭا تەمىر جول قۇرىلىسىن جۇرگىزۋ كەزىندە 3 400 جۇمىس ورنى اشىلماق.
