فوتو: اشىق دەرەككوزدەن
قازاقستان مۇسىلماندارى ءدىني باسقارماسى جەلىدە جەلدەي جىلدامدىقپەن تاراپ, جۇرتشىلىقتىڭ قىزۋ تالقىسىنا تۇسكەن بۇل اقپاراتتى جوققا شىعاردى. باسقارما الەۋمەتتىك جەلىدەگى پاراقشاسىندا قازاقستاندىقتاردى جالعان اقپاراتتىڭ جەتەگىنە ەرمەۋگە شاقىردى.
«الەۋمەتتىك جەلىدە «قازاقستانداعى مەدرەسەلەردە 12 جاستاعى قىزداردى جىنىستىق قارىم-قاتىناسقا يتەرمەلەۋدە» دەگەن مازمۇندا پىكىر تارالۋدا. قازاقستان مۇسىلماندارى ءدىني باسقارماسى (قمدب) بۇل جالعان اقپارات ەكەنىن مالىمدەيدى. قمدب-عا قاراستى مەدرەسە-كوللەدجدەر تەك 15 جاسقا تولعان قىزداردى عانا وقۋعا قابىلدايتىنىن مالىمدەيمىز. مۇنداي جالعان اقپاراتقا سەنبەۋگە شاقىرامىز جانە حالىقتى بىلمەستىكپەن تەرىس اقپارات تاراتپاۋعا ۇندەيمىز», دەلىنگەن قمدب-نىڭ الەۋمەتتىك جەلىدە تاراتقان حابارلاماسىندا.
