فوتو: orda.kz
ءوڭىر باسشىسى بىردەن ءتورت بالاسىنان ايىرىلعان وتباسىنا بارلىق قاجەتتى قولداۋ كورسەتىلگەنىن ايتتى. ەندى ولارعا جاڭا باسپانا بەرۋدى ۋادە ەتتى.
«قايعىلى وقيعادان كەيىن وتباسىنىڭ قاسىندا اۋدان اكىمى, مەنىڭ ءبىرىنشى ورىنباسارىم بولدى. زارداپ شەككەندەرگە بارلىق قاجەتتى كومەك كورسەتىلدى. ولار تۇرمىستىق تەحنيكا, جيھازدارمەن جابدىقتالعان ەكى بولمەلى پاتەرگە ۋاقىتشا ورنالاستىرىلدى. جەلتوقسان ايىندا ءبىز ولارعا وسكەمەننەن ەكى بولمەلى پاتەر بەرەمىز, ويتكەنى ولار سوندا تىركەلگەن», دەدى اكىم ورتالىق كوممۋنيكاتسيالار قىزمەتىندە وتكەن ءباسپاسوز ءماسليحاتىندا.
ەستەرىڭىزگە سالا كەتەيىك, 25 قازان كۇنى اياگوز اۋىلىنداعى ۇيلەردىڭ بىرىندە بولعان ءورت كەزىندە سەگىز بەن ەكى جاس ارالىعىنداعى ءتورت بالا كومىرقىشقىل گازىنا ۋلانىپ قايتىس بولعان ەدى.
