اپاتتىق ۇيلەر ماسەلەسىن ەكى دەپۋتات كوتەرگەنىن, مينيستر جالپى ۇكىمەت اتالعان ماسەلەنى شەشۋ جونىندە ەشقانداي تياناقتى مەحانيزدى ايتا الماعانىن تىلگە تيەك ەتكەن دەپۋتات ە.جاڭبىرشين كەزىندە اقتاۋ قالاسىندا اپاتتى جاعدايدا بولعان 15 ءۇي ماسەلەسى مەملەكەت پەن جەكە كاسىپكەر سەرىكتەستىگى ارقىلى شەشىلگەنىن ايتتى.
«ينفراقۇرىلىمدى كۇشەيتىپ بەردىك, قالعانىن بيزنەس جاسادى. سولايشا بيۋدجەتتىڭ اقشاسىن ۇنەمدەدىك. كاسىپكەر سانيتارلىق نورماسى جوعارى ءۇيدى سالدى, جوسپارلادى, كوشىردى. 4 جىلدىڭ ىشىندە اقتاۋداعى 15 اپاتتى ءۇيدى جوق قىلدىق», دەدى دەپۋتات.
دەپۋتاتتىڭ ايتۋىنشا بيزنەستى تارتۋعا مۇمكىندىك بار. ويتكەنى, اپاتتى ۇيلەردىڭ بارلىعى جاقسى جەرلەردە ورنالاسقان, مىسالى قالانىڭ ورتاسىندا, ت.ب.
قۇرىلىسشىلار بار ەكەنىن, بانكتەر نەسيەلەر بەرەتىنىن, بيزنەستى تارتۋ كەرەك ەكەنىن ايتقان دەپۋتات: «مەملەكەت پەن جەكە كاسىپكەرلەردىڭ سەرىكتەستىگى ارقىلى اپاتتى ءۇي ماسەلەسىن شەشۋگە بولادى. وسىنداي مەحانيزمدەردى مينيسترلىك كاسىپكەرلەرمەن بىرگە ىسكە اسىرۋ كەرەك», دەپ ءسوزىن تۇيىندەدى.
