markhabat_zhaiymbetov
ءماجىلىس دەپۋتاتى مارحابات جايىمبەتوۆ وسى ماسەلەگە قاتىستى مينيسترگە ساۋال جولدادى. «تۇرعىن ءۇي كەزەگىندە تۇرعان 645 مىڭ ادامنىڭ ىشىنەن 232 مىڭ ازاماتتى زاڭ تالاپتارىنا سايكەس كەلمەيدى دەپ تۇرعىن ءۇي الۋ كەزەگىنەن شىعارىلعانىن ايتتىڭىز. 22 مىڭ ادام كەزەكتەن شىعارىلدى. ءسىز ايتقان مالىمەتتەگى 232 ادامنىڭ 96 مىڭىندا سوڭعى بەس جىلدا جەكە باسىندا پاتەرى بولعان ەكەن. 94 مىڭ ازاماتتىڭ تۇراقتى تىركەۋى باسقا وڭىردە تىركەلگەندىكتەن ءۇي كەزەگىنەن شىعارىلىپتى. وسىنداي سان سەبەپتى العا تارتا وتىرىپ 232 مىڭ ادامدى ءۇي كەزەگىنەن سىزىپ تاستايمىز دەدىڭىز. مەملەكەت باسشىسىنىڭ تاپسىرماسىنا سايكەس الەۋمەتتىك وسال توپتارعا جاردەمدەسۋ ماقساتىندا جالعا بەرىلەتىن ۇيلەردى سۋبسيديالاۋ قولعا الىندى. 50 ميلليارد تەڭگە قاراجات ءبولىنىپ, 70 مىڭ ادامدى ۇيمەن قامتاماسىز ەتۋى ءتيىس ەدى. قازىر تەك 12 مىڭ ادام عانا جالعا بەرىلەتىن ءۇيدى سۋبسيديالاۋدىڭ شاراپاتىنا كەنەلىپ وتىر, ورىندالعان جۇمىستىڭ كورسەتكىشى 15% ازەر جەتتى», دەگەن ماسەلەنى توتەسىنەن كوتەردى.
مينيستر شارلاپاەۆ تۇرعىن ءۇي كەزەگىنىڭ تىزىمىنەن سىزىلادى دەگەن 232 مىڭ ازاماتقا قاتىستى ءالى دە تالداۋ, سارالاۋ جۇمىستارى جۇرگىزىلەتىنىن ايتتى. ولاردىڭ اراسىندا 90 مىڭنان اسا ادامنىڭ باسىندا باسپانا بولعاندىقتان دا ولاردى ءۇي كەزەگىنەن شىعارىلماسا, زاڭعا تومپاق كەلەدى ەكەن.
