اتالعان ۋاقىتتان باستاپ پويىزدار قوزعالىسىنىڭ «پاكەتتىك» كەستەسى بويىنشا تالگونىڭ 4 جولاۋشى قۇرامى استانادان الماتى مەن شىمكەنت قالالارىنا دەيىن جۇرت جۇمىسىنان شىعىپ, ونى-مۇنى شارۋالارىن رەتتەپ ۇلگەرەتىن كەشكى ۋاقىتتاردا قاتىنايتىن بولادى. ولار 20 مينۋت ارالىقپەن جۇرەدى. جولاۋشى پويىزدارىنىڭ كەشكى كەستە بويىنشا قوزعالىسى جولاۋشىلار ءۇشىن قاۋىپسىزدىك پەن جايلىلىقتى, سونداي-اق, قۇرامدارعا تەحنيكالىق قىزمەت كورسەتۋدىڭ تولىق اۋقىمىن قامتاماسىز ەتەدى. جولاۋشى پويىزدارىنىڭ «پاكەتتىك» كەستەسى كەلەسى باعىتتار بويىنشا استانادان شىعۋ ۋاقىتىنا سايكەس جۇرگىزىلەدى:
- №86/85 استانا (نۇرلى جول) – شىمكەنت, ساعات 20:00-دە;
- №4/3 استانا (نۇرلى جول) – الماتى-2, ساعات 20:20-دا;
- №72/71 استانا (نۇرلى جول) – شىمكەنت, ساعات 20:40-تا;
- №10/9 استانا (نۇر-سۇلتان 1) – الماتى-2, ساعات 20:58-دە.
«جولاۋشىلار تاسىمالى» اق ەلوردالىق ۆوكزالداردا ءبىر مەزەتتە ءتورت پويىز قاتارىنان تۇراتىنىن ەسكەرتە وتىرىپ, جولاۋشىلارعا پويىزعا وتىرۋ كەزىندە ولاردىڭ نومىرىنە جانە جونەلتۋ ۋاقىتىنا نازار اۋدارۋدى ەسكەرتەدى.
ۇلتتىق تاسىمالداۋشى قازاقستان رەسپۋبليكاسىنىڭ 2030 جىلعا دەيىنگى كولىكتىك-لوگيستيكالىق الەۋەتىن دامىتۋ تۇجىرىمداماسىنا سايكەس جاڭا كولىك مارشرۋتتارىن قۇرۋعا, مارشرۋتتىق جەلىنى جانە پويىزدار قوزعالىسىنىڭ كەستەسىن وزگەرتۋگە نەگىزدەلگەن ينتەرمودالدىق تاسىمالداردى دامىتۋ جونىندەگى شارالار كەشەنىن ىسكە اسىرادى.
