دەپۋتاتتاردىڭ تالقىلاۋىنا تۇرعىن ءۇي ساياساتىن رەفورمالاۋ ماسەلەلەرى بويىنشا زاڭ جوباسىن ءبىرىنشى وقىلىمدا قاراۋ ۇسىنىلادى.
بۇل زاڭ جوباسىندا مەملەكەت باسشىسىنىڭ تاپسىرماسى بويىنشا «وتباسى بانكى» تولىققاندى دامۋ ينستيتۋتىن قۇرۋ ماقساتىمەن ازاماتتاردى ەسەپكە قويۋدى جانە تۇرعىن ۇيلەردى ءبولۋدى ورتالىقتاندىرۋعا باعىتتالعان نورمالار ەنگىزىلگەن. سونىمەن قاتار مەملەكەتتىك مىندەتتەردى, اسكەري قىزمەتتى اتقارۋ جانە قۇقىقتىق ءتارتىپتى قورعاۋ كەزىندە, ادام ءومىرىن قۇتقارۋ كەزىندە قازا تاپقان ادامداردىڭ وتباسىلارىن ءبىر جىلدان كەشىكتىرمەي تۇرعىن ۇيمەن قامتاماسىز ەتۋ تۋرالى جانە تاعى باسقا دا بىرقاتار ماڭىزدى نورما قاراستىرىلىپ وتىر.
جالپى وتىرىستا دەپۋتاتتار راتيفيكاتسيالاناتىن زاڭ جوبالارىن قارايدى. ولار: ۇجىمدىق قاۋىپسىزدىك تۋرالى شارت ۇيىمىنىڭ جارعىسىنا وزگەرىستەر ەنگىزۋ تۋرالى ءتورتىنشى حاتتاما, ەۋرازيالىق ەكونوميكالىق وداق تۋرالى شارتقا وزگەرىستەر ەنگىزۋ تۋرالى حاتتاما.
ءماجىلىس كوميتەتى ازاماتتىق قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى زاڭ جوباسىن جۇمىسقا الادى.
