جەرگىلىكتى تجد 19 قاراشا كۇنى ساعات 03:55–تە Qazaq Astyq Group جشس اۋماعىندا جانە «اگرو سەرىكتەس ينۆەست» جشس اۋماعىندا ءورت بولعانىن حابارلادى. ءتىلسىز جاۋدىڭ سالدارىنان مينيفۋرگوننىڭ الدىڭعى بامپەرى, توڭازىتقىش, جىلجىمالى كونتەينەر, اعاش پاللەتتەر مەن پلاستماسسا جاشىكتەر ورتەنىپ كەتكەن.
تجد مالىمەتى بويىنشا ءورت 06:29-دا وقشاۋلانىپ, 10:19-دا ءسوندىرىلدى. ءورتتى سوندىرۋگە جەكە قۇرامنىڭ 68 قىزمەتكەرى جانە اباي وبلىسى تجد 13 تەحنيكاسى جۇمىلدىرىلدى. سونداي-اق ءورتتى سوندىرۋگە قتج, Qazaq ASTYQ Group جشس موقق ءورت ءسوندىرۋ پويىزى جۇمىلدىرىلدى.
«كاسىپورىننىڭ ءباسپاسوز قىزمەتى ءورتتى سوندىرۋگە Qazaq astyq Group مۇناي ەكستراكتسيا زاۋىتىنىڭ كۇشتەرى دە بەلسەندى قاتىسقانىن اتاپ ءوتتى. كاسىپورىننىڭ جەكە ءورت ءسوندىرۋ ءبولىمىنىڭ 4 ءورت ءسوندىرۋشىسى, كاسىپورىننىڭ 32 قىزمەتكەرى, 1 اۆتوتسيستەرنا, 2 تيەگىش, 2 كاماز, 1 اسسەنيزاتورلىق ماشينا ءورتتى سوندىرۋگە جۇمىلدىرىلدى», دەپ اتاپ ءوتتى زاۋىتتىڭ ءباسپاسوز قىزمەتى.
تجد ءورتتىڭ سەبەبى انىقتالىپ جاتقانىن جازدى.
