ستۋدەنتتىك شاق – جاستاردىڭ ومىرىندەگى ەرەكشە كەزەڭدەردىڭ ءبىرى. سوندىقتان مەرەكەلىك ءىس-شارا دا ستۋدەنتتەردىڭ ەستەرىندە ماڭگىگە ساقتالاتىنى ءسوزسىز. كەش شىمىلدىعى فاكۋلتەت دەكانى, پروفەسسور قايرات ساقتىڭ ايتۋلى مەرەكەنىڭ باستى كەيىپكەرلەرىن قۇتتىقتاۋمەن اشىلدى. جۋرناليستيكا جانە ساياساتتانۋ فاكۋلتەتىنىڭ اعا وقىتۋشىسى گۇلجازيرا ەرتاسوۆا ۇيىمداستىرعان سالتاناتتى جيىن ءبىلىم الۋشىلاردىڭ ءان شىرقاپ, بۇرالا بي بيلەۋىمەن ءورىلىپ, ستۋدەنتتىك ءومىردى بەينەلەيتىن «ستۋدەنتتەر سىرى» فيلمىمەن جالعاستى. اسەرلى فيلمنەن سوڭ ءارى قاراي ءان ايتىلىپ, كۇي توگىلىپ, جىر وقىلىپ, جۇمباق جاسىرىلىپ, كوكىرەك كوزىن اشار تانىمدىق دۇنيەلەرى مەن كوڭىل كوكجيەگىن كەڭەيتەر كوركەم كورىنىستەر كوپشىلىككە ۇسىنىلدى.
حالىقارالىق مەرەكە فاكۋلتەتتە دە حالىقارالىق دەڭگەيدە ءوتتى دەسەك ارتىق ايتپايمىز. سەبەبى, يسپانيالىق عالىم, كينوسىنشى الەكساندر الەكسەەۆيچ پرونين قاتىسىپ, جۇرەكجاردى لەبىزىن ءبىلدىرىپ, ستۋدەنتتەرگە تىلەگىن جەتكىزدى.
سونداي-اق ۋنيۆەرسيتەتتىڭ Jastar دەپارتامەنتى ديرەكتورى جامبىل تىلەپوۆ, «ەگەمەن قازاقستان» رەسپۋبليكالىق گازەتى ينتەرنەت-رەداكتسياسىنىڭ جەتەكشىسى قۋات اۋەسباي ستۋدەنتتىك شاقتاعى ەستەلىكتەرىن بولىسە كەلە, ستۋدەنتتەردى حالىقارالىق مەرەكەمەن قۇتتىقتادى.
مەرەكەلىك كەش سوڭىندا ستۋدەنتتەر ءداستۇر بويىنشا وزدەرى ءتۇسىرىپ, وزدەرى وڭدەپ, مونتاجداپ, ارلەگەن ءفيلمنىڭ تارەلكەسىن فاكۋلتەت باسشىسىنا ەستەلىككە سىيعا تارتتى.
ايشىقتى شارادان پروفەسسور-وقىتۋشىلار قۇرامى مەن ستۋدەنتتەر قاۋىمى جانە قوناقتار زور ريزاشىلىقپەن تاراستى.
