حالىقارالىق بايقاۋدا نيكاراگۋالىق 23 جاستاعى شەيننيس الوندرا پالاسيوس كورنەحو «الەم ارۋى» اتاندى.
ەكىنشى ورىندى تايلاند وكىلى, 27 جاستاعى اننتونيا پورسيلد يەلەندى.
«الەم ارۋى» — جىل سايىن ۇيىمداستىرىلاتىن حالىقارالىق كونكۋرس جانە الەمدەگى ەڭ بەدەلدى سۇلۋلىق بايقاۋلارىنىڭ ءبىرى. بيىل وعان 80-نەن استام ەلدەن جينالعان قىزدار قاتىستى.
شەينيس پالاسيوس «الەم ارۋى» اتاعىن جەڭىپ العان نيكاراگۋادان شىققان العاشقى ايەل اتاندى.
ول 2000 جىلعى 31 مامىردا نيكاراگۋانىڭ ماناگۋا قالاسىندا دۇنيەگە كەلگەن. پالاسيوس ورتالىق امەريكا ۋنيۆەرسيتەتىندە بۇقارالىق كوممۋنيكاتسيالار ماماندىعى بويىنشا ءبىلىم الدى. سول ۋاقىتتا ۋنيۆەرسيتەت اتىنان ۆولەيبولعا قاتىستى. بويى — 1,8 مەتر.
ايتا كەتەيىك, «الەم ارۋى» بايقاۋىنا قازاقستان اتىنان الماتىلىق 20 جاستاعى توميريس زاير دە قاتىستى.
