«قازگيدرومەت» رمك فيليالىنىڭ پەتروپاۆلداعى مەتەوستانتسياسى 18 قاراشا كۇنى 24 ميلليمەتر جاۋىن-شاشىندى تىركەگەن. ال قاراشا ايىنىڭ باسىنان باستاپ وڭىردە 32,8 ميلليمەتر قار تۇسكەن.
بۇگىن ەسىل اۋدانىنىڭ ياۆلەنكا اۋىلىندا 19,4 ميلليمەتر, ال ياسنوۆكا اۋىلىندا – 45,4 ميلليمەتر جاۋىن-شاشىن تۇسكەن. شال اقىن اۋدانىنداعى سەرگەەۆكادا – 31,7 ميلليمەتر جاۋعان, مۇندا قاردىڭ ورتاشا كوپ جىلدىق ءمانى 26 ميلليمەتر بولىپ تىركەلگەن.
بۇگىن قاردىڭ ەڭ از مولشەرى ءۋاليحانوۆ اۋدانىنىڭ كىشكەنەكول اۋىلىندا جاۋعان – 5,6 ميلليمەتر, ع.مۇسىرەپوۆ اۋدانىنىڭ اندرەەۆكا اۋىلىندا جانە اقجار اۋدانىنىڭ قىزىلتۇس اۋىلىندا قار كولەمى 5,8 ميلليمەتر بولعان.
ايتا كەتەيىك, وبلىستا بۇگىن داۋىل تۋرالى ەسكەرتۋ جاريالانعان. وندا قارلى بوران, كۇندىز سولتۇستىك-باتىستان جەل, تۇندە سولتۇستىك جەلى 15-20 م/س بولادى دەپ بولجانىپ وتىر.
