POLICE_of_KZ
DALMLERCHR SLER جۇك كولىگىن توقتاتقاندا جۇرگىزۋشى كولىكتەن تۇسۋگە باعىنباي, پوليتسيا قىزمەتكەرىنىڭ ءبىرىنىڭ اياعىن باسىپ, جول بويىنداعى بىرنەشە كولىككە دە اپاتتىق جاعداي تۋدىرىپ قاشقان. پوليتسيا قىزمەتكەرلەرى تالاپقا باعىنباعان جۇركىزۋشىنىڭ جۇك كولىگىنە جانە اسپانعا ەسكەرتۋ رەتىندە وق اتقان. «كولىك تاسجول بويىنان توقتاتىلىپ, ۇستالدى. 1989ج.ت., جۇرگىزۋشىسى مەديتسينالىق ساراپتامادان وتكىزىلىپ, ىشىمدىك ىشپەگەنى انىقتالدى. ول كولىكتىڭ وزىنىكى ەمەس ەكەندىگىن ايتىپ اقتالعان. جۇرگىزۋشىگە قاتىستى قر اقبتك-ءنىڭ 592-بابى 2 بولىگىمەن, 601-بابى 1 بولىگىمەن, 606-بابى 1 بولىگىمەن, 613-بابى 1 بولىگىمەن حاتتاما تولتىرىلدى», دەدى اتىراۋ وبلىسى, يندەر اۋداندىق پوليتسيا ءبولىمىنىڭ باستىعى رۋسلان ەشمانوۆ. بيلىك وكىلىنە قاتىستى قورقىتۋ نەمەسە كۇش كورسەتۋ ارەكەتى بويىنشا قىلمىستىق كودەكستىڭ 380-بابى 3 بولىگىمەن ءىس تىركەلىپ, كۇدىكتى قاماۋعا الىندى.
