مۇيىزدەردى وبلىستىق پوليتسيا دەپارتامەنتىنىڭ قىزمەتكەرلەرى تاركىلەدى.
ۇستالعان اقسۋ قالاسىنىڭ 49 جاستاعى تۇرعىنىنىڭ گاراجىن ءتىنتۋ كەزىندە كيىك مۇيىزدەرى ساقتالعان 8 جاشىك تابىلدى. جالپى سالماعى 170 كەلىگە جۋىق بولاتىن قىزىل كىتاپقا ەنگەن جانۋاردىڭ 800-گە جۋىق ءمۇيىزى تاركىلەندى.
«وسى فاكتى بويىنشا قر قك-ءنىڭ 339-بابىنىڭ 1-1-بولىگى بويىنشا سوتقا دەيىنگى تەرگەۋ باستالدى. كۇدىكتىگە قاتىستى كەلۋ تۋرالى مىندەتتەمە تۇرىندەگى بۇلتارتپاۋ شاراسى تاڭدالدى. بىرقاتار ساراپتاما تاعايىندالدى, سونىڭ ىشىندە بيولوگيالىق جانە تراسسولوگيالىق. ۇستالعانداردىڭ مەملەكەتكە كەلتىرگەن زيانى شامامەن 2 ملرد تەڭگەنى قۇرادى», دەدى پاۆلودار وبلىسى پد باستىعى ۆاسيلي سكليار.
