ۆيتسە-ءمينيستردىڭ ايتۋىنشا, قارجىنى يگەرمەۋدىڭ نەگىزگى سەبەبى − كونكۋرستىق راسىمدەردى ۇزاق مەرزىمدە وتكىزۋ, ءونىم بەرۋشىلەردىڭ تاۋارلاردى ۋاقتىلى نە تولىق جەتكىزبەۋى, بيۋدجەتتىك باعدارلامالاردى (كىشى باعدارلامالاردى) ىسكە اسىرۋ جونىندە نورماتيۆتىك قۇقىقتىق اكتىلەردى ۋاقتىلى قابىلداماۋ, شوت-فاكتۋرالار, اتقارىلعان جۇمىس اكتىلەرىنىڭ دەر كەزىندە ۇسىنىلماۋى.
«جەرگىلىكتى بيۋدجەتتىڭ شىعىستارى 10 ترلن تەڭگەنى قۇرادى. اتقارىلماعانى - 294 ملرد تەڭگە. بيىل وڭىرلەرگە 2 ترلن تەڭگەگە جۋىق نىسانالى ترانسفەرتتەر كوزدەلگەن. ولارعا 1 قاراشاعا 1 ترلن 261 ملرد تەڭگە بولىنگەن. ونىڭ 94,4 پايىزى يگەرىلگەن. اتقارىلماعانى – 71 ملرد تەڭگە, ونىڭ ىشىندە 2 ملرد تەڭگە – ۇنەمدەلگەن قارجى قۇرامىنا كىرىپ وتىر. 69 ملرد تەڭگە يگەرىلمەگەن. ەڭ كوپ بيۋدجەت قارجىسىن يگەرمەگەن استانا جانە الماتى قالالارى, ماڭعىستاۋ جانە اقمولا وبلىستارى», دەدى ول.
ال, مينيسترلىكتەر بويىنشا قارجىنى يگەرمەۋدىڭ ءىرى سومالارى ىشكى ىستەر, مادەنيەت جانە اقپارات, سۋ رەسۋرستارى جانە يرريگاتسيا, ەكولوگيا جانە تابيعي رەسۋرستار مينيسترلىكتەرىندە قالىپتاسقان.
«مەملەكەتتىك بيۋدجەتتىڭ شىعىستارى - 98,2, رەسپۋبليكالىق بيۋدجەتتىڭ شىعىستارى – 99,4, جەرگىلىكتى بيۋدجەتتەردىڭ شىعىستارى 97,2 پايىزعا ورىندالدى. رەسپۋبليكالىق بيۋدجەت بويىنشا سوماسى 18 ترلن تەڭگەگە شىعىستار جۇرگىزىلدى. اتقارىلماۋ 107 ملرد تەڭگەنى قۇراسا, ونىڭ ىشىندە, ۇنەمدەۋ 16 ملرد تەڭگە بولدى. يگەرىلمەگەنى – 91 ملرد تەڭگە», دەدى قارجى ۆيتسە-ءمينيسترى داۋرەن تەمىربەكوۆ.
