فوتو: instagram
شىمكەنتتە بىرنەشە جىلدان بەرى «فوسفورشىلار» مادەنيەت ءۇيى قاراۋسىز بوس تۇرعان ەدى. بۇل عيمارات بۇعان دەيىن «دارحان گرۋپپ» سەرىكتەستىگىنىڭ مەنشىگىندە بولىپ كەلدى. كەيىنىرەك شىمكەنت قالاسىنىڭ اكىمدىگى قالالىق پروكۋراتۋرا مەن مەملەكەتتىك م ۇلىك جانە جەكەشەلەندىرۋ دەپارتامەنتىمەن بىرلەسىپ, مادەنيەت ءۇيىن قالانىڭ كوممۋنالدىق مەنشىگىنە قابىلداۋ بويىنشا الگوريتم ازىرلەدى. سونىڭ ناتيجەسىندە عيمارات قالانىڭ كوممۋنالدىق مەنشىگىنە قايتارىلدى. 
«13 قاراشا كۇنى «فوسفورشىلار» مادەنيەت ءۇيىن قالانىڭ كوممۋنالدىق مەنشىگىنە قايتارۋ بويىنشا كەلىسىمگە قول جەتكىزىلدى. ءارى قاراي عيماراتتى كوپفۋنكتسيونالدى جاستار سارايى رەتىندە قايتا قالپىنا كەلتىرۋ جانە اۋماعىن اباتتاندىرۋ جۇمىستارى جۇرگىزىلەدى. «فوسفورشىلار» سارايى قالانىڭ ەڭ كورىكتى جەرلەرىنىڭ بىرىنە اينالاتىنىنا جانە حالىق يگىلىگىنە قىزمەت ەتەتىنىنە سەنىمدىمىن», دەپ جازدى اكىم.
