ماقسات قوجاباەۆ قر قىلمىستىق كودەكسىنىڭ 190-بابى 4-بولىگىنىڭ 2-تارماعىندا كوزدەلگەن «الاياقتىق» قىلمىسى بويىنشا كىنالى دەپ تانىلدى. سوت ونى بەس جىل التى ايعا باس بوستاندىعىنان ايىردى. اقپاراتتى شىمكەنتتەگى قىلمىستىق ىستەر جونىندەگى مامانداندىرىلعان اۋدانارالىق سوتىنىڭ ءباسپاسوز قىزمەتى راستادى.
بۇل قىلمىستىق ىسكە تاعى ءبىر ايىپتالۋشى زاكىر عۇلاموۆتىڭ قاتىسى بار. سوت ونى قىلمىستىق كودەكستىڭ 28-بابىنىڭ 4-بولىگىندە, 367-بابىنىڭ 4-بولىگىندە, 190-بابىنىڭ 4-بولىگىنىڭ 2-تارماعىندا كوزدەلگەن قۇقىق بۇزۋشىلىقتى جاساعانى ءۇشىن كىنالى دەپ تانىدى. ول بەس جىل ءبىر ايعا باس بوستاندىعىنان ايىرىلدى.
ايتا كەتەيىك, 2023 جىلعى 9 قاڭتاردا ۇلتتىق قاۋىپسىزدىك كوميتەتى سوتقا دەيىنگى تەرگەۋ اياسىندا جەمقورلىق جاسادى دەگەن كۇدىكپەن قۇقىق قورعاۋ ورگاندارىنىڭ بۇرىنعى جوعارى لاۋازىمدى قىزمەتكەرى م.قوجاباەۆتى ۇستاعان بولاتىن.
ەستەرىڭىزگە سالا كەتسەك, 2022 جىلدىڭ 21 ساۋىرىندە مەملەكەت باسشىسىنىڭ وكىمىمەن ماقسات قوجاباەۆ سىبايلاس جەمقورلىققا قارسى ءىس-قيمىل اگەنتتىگى (سىبايلاس جەمقورلىققا قارسى قىزمەتتىڭ) توراعاسىنىڭ ورىنباسارى لاۋازىمىنان بوساتىلعان. ول بۇل قىزمەتكە 2021 جىلى 2 شىلدەدە تاعايىندالعان ەدى.
