ت.قازانعاپوۆ
شىمكەنت قالاسى سوتتارىنىڭ فەيسبۋكتەگى پاراقشاسىندا ايەلىن ۇرىپ ءولتىردى دەگەن كۇدىكپەن ۇستالعان بۇرىنعى ۇلتتىق ەكونوميكا ءمينسترى قۋاندىق بيشىباەۆتىڭ تۇرمەدەن مەرزىمىنەن بۇرىن بوساپ شىعۋىنىڭ ءمان-جايى بەلگىلى بولدى.
«استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 2018 جىلعى 14 ناۋرىزداعى ۇكىمىمەن ق. بيشىمباەۆ مۇلكى تاركىلەنىپ, مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرۋمەن 10 جىلعا باس بوستاندىعىنان ايىرۋعا سوتتالدى (366-باپتىڭ 4-بولىگى, 28-باپتىڭ 3-بولىگى – 189-باپتىڭ 4-بولىگىنىڭ 2-ءبولىمى, قك-ءنىڭ 58-بابىنىڭ 3-بولىگى بويىنشا).
جازا وتەۋ مەرزىمى 2017 جىلعى 10 قاڭتاردان ۇستالعان جانە ۋاقىتشا ۇستاۋ يزولياتورىنا ورنالاستىرىلعان كەزدەن باستاپ ەسەپتەلدى. سوتتالۋشى ءوز كىناسىن مويىندادى. پرەزيدەنتتىڭ 2019 جىلعى 13 اقپانداعى جارلىعىمەن ق.بيشىمباەۆقا راقىمشىلىق جاسالىپ, ونىڭ جازاسى 10 جىلدان 4 جىلعا دەيىن قىسقارتىلدى.
وسىعان بايلانىستى بيشىمباەۆ سوتقا جازانىڭ وتەلمەگەن قالعان 1 جىل 3 اي 13 كۇن مەرزىمىن وتەۋدەن شارتتى تۇردە مەرزىمىنەن بۇرىن بوساتۋ تۋرالى ءوتىنىشحات جولدادى. ونىڭ شارتتى تۇردە مەرزىمىنەن بۇرىن بوساتىلۋى زاڭ تالاپتارىن تولىعىمەن قاناعاتتاندىردى: جازاسىن وتەۋ مەرزىمىنىڭ 2/3 بولىگىن وتەگەن, مەكەمە اكىمشىلىگىمەن وڭ سيپاتتالعان, 4 كوتەرمەلەۋ بولعان, قاساقانا زاڭ بۇزۋشىلىقتار بولماعان, 1,5 ميلليوننان استام سوماعا پروتسەسسۋالدىق شىعىندار وتەلگەن.
سوندىقتان شىمكەنت قالاسىنىڭ اباي اۋداندىق سوتىنىڭ قاۋلىسىمەن 2019 جىلعى 25 قىركۇيەكتەگى ك.ۆ. بيشىمباەۆتىڭ ءوتىنىشحاتى قاناعاتتاندىرىلدى.
ق. بيشىمباەۆ 2019 جىلدىڭ 11 قازانىندا بوساتىلىپ, پروباتسيالىق باقىلاۋعا الىندى», دەلىنگەن حابارلامادا.
شارتتى تۇردە مەرزىمىنەن بۇرىن بوستاندىققا شىققان قۋاندىق بيشىمباەۆقا كەسىلگەن ۇكىم 2021 جىلدىڭ 9 قاڭتارىندا اياقتالعان بولاتىن.
