جاسىراتىنى جوق, ءورت ءسوندىرۋ ستانساسى مۇندا ەرتەدەن كەرەك ەدى. ءساتى بيىل ءتۇسىپ, اقسۋ-ايۋلى اۋىلىنان بالقاشقا قاراي شىعابەرىس جولدىڭ بويىنان ءبىرىنشى ءتيپتى مودۋلدىك ستانسا اشىلدى.
نىساننىڭ اشىلۋ سالتاناتىندا وبلىستىق تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باسشىسى باقتيار سانباەۆ, شەت اۋدانى اكىمىنىڭ ورىنباسارى داۋرەن كارسەنباەۆ, ورمان شارۋاشىلىعىندا ۇزاق جىلدار ەڭبەك ەتكەن ارداگەر قازىبەك سەيىتجان ۇلى, اقسۋ-ايۋلى اۋىلىنىڭ تۇرعىنى, ارداگەر امانتاي راشيتوۆ قۇتتىقتاۋلارىن جەتكىزدى.
– پرەزيدەنتىمىز قاسىم-جومارت توقاەۆ ۇكىمەتكە ورمان, دالا ورتتەرىنىڭ الدىن الۋعا قاتىستى بىرقاتار مىندەتتەر جۇكتەگەن بولاتىن. وسىعان سايكەس قارجى ءبولىنىپ, ەلىمىزدىڭ ءار وڭىرىندە جۇمىستار قولعا الىنا باستادى. بۇل ءبىز ءۇشىن وتە قاجەت. توزىعى جەتكەن تەحنيكالار مەن ءورت ءسوندىرۋ بەكەتتەرىن جاڭارتۋ جايى دا نازاردان تىس قالماق ەمەس. اتالعان ورمان ءورت ءسوندىرۋ ستانساسى تالاپقا ساي, ورتكە قارسى قاجەتتى قۇرال-جابدىقتارمەن قاتار, كيىمدەر جانە ارنايى تەحنيكالارمەن قامتىلعان, سونداي-اق شتاتتىق بىرلىكتەر قاراستىرىلعان, – دەيدى داۋرەن كارسەنباەۆ.
راسىمەن, مودۋلدىك ورمان ءورت ءسوندىرۋ ستانساسى زاماناۋي تالاپتارعا ساي جابدىقتالعان. ءورت ءسوندىرۋ كولىكتەرى قىزمەتكە ءازىر. دابىل قاعىلعان ساتتەن باستاپ نەبارى 1 مينۋت ىشىندە جولعا شىعادى. مۇنىمەن قوسا, قىزمەتكەرلەرگە ارنايى جاتىن بولمەلەر دە قاراستىرىلعان. سپورتزال, اسحانا مەن كاسىبي دايىندىق جاساۋ ورىندارى دا بار.
قاراعاندى وبلىسى,
شەت اۋدانى
