ءدارىسحانانىڭ سالتاناتتى اشىلۋ راسىمىنە جۋرناليستيكا فاكۋلتەتىنىڭ وقىتۋشىلارى, قالامگەردىڭ تۋىستارى, زامانداس دوستارى مەن ارىپتەستەرى, شاكىرتتەرى قاتىستى.
بايتۇرسىن اعا ءومىرىنىڭ سوڭعى جىلدارىن ۇستازدىقپەن ۇشتاستىرىپ, اتالعان ءبىلىم ورداسىندا كوپتەگەن دارىندى شاكىرتتى تاربيەلەپ شىعاردى. ۋنيۆەرسيتەتتىڭ سول كەزدەگى رەكتورى زۇلقارناي الدامجاروۆتىڭ قولداۋىمەن 1996 جىلى تۇڭعىش رەت احمەت بايتۇرسىن ۇلىنىڭ تۋعان جەرى اقكولگە «اق جول» عىلىمي-تانىمدىق ەكسپەديتسياسىن ۇيىمداستىرىپ, كونەكوز قاريالاردان ۇلت ۇستازىنا قاتىستى ءبىرسىپىرا اۋىزەكى دەرەكتەردى جازىپ الىپ, تاريحقا تاسپالاپ قالدىرىپ كەتتى. ول جازىپ قالدىرعان قۇندى دەرەكتىڭ ءبىرى – اقاڭنىڭ ەڭ سوڭعى رەت اتامەكەنىنە كەلىپ, اكەسى مەن اعاسىنا تام تۇرعىزىپ كەتۋى.
كەزىندە ءبىراز جىل بويى جۋرناليستيكا فاكۋلتەتى شاكىرتتەرىنىڭ قالام ۇشتار قۇرالىنا, ستۋدەنت جاستاردىڭ سۇيىكتى باسىلىمىنا اينالعان «جاس وركەن – قوستاناي» جۋرنالىنىڭ العاشقى شىعارۋشىسى دا بايتۇرسىن ءىلياس اعامىز ەدى. جۋرنالدىڭ ەڭ العاشقى سانى قولىنا تيگەن ساتتەگى باقىتتى رەداكتوردىڭ قۋانىشتى ءساتىنىڭ كۋاسى, قۇدايى كورشىسى ءارى تالاي جىل سىرلاس دوسى بولعان اقىن نيكولاي كوچين:
«ول كۇندەلىكتى ومىردە وتە قاراپايىم بولاتىن. ءتىپتى ءبىر قاراعان كىسىگە قولىنان ەشتەڭە كەلمەيتىن, تىم جۋاس, مومىن ادام بولىپ كورىنەتىن. شىنتۋايتىندا, ول ءوز ماقساتىنا جەتۋ ءۇشىن كەز كەلگەن كەدەرگىنى بۇزىپ-جارىپ وتەتىن مۇزجارعىشتىڭ ناعىز ءوزى ەدى. بۇعان ابدەن كوزى جەتكەن اداممىن. بىردە ءبىز تۇرعان ءۇيدىڭ اۋلاسىندا كەزدەيسوق كەزدەسىپ قالدىق. قولىنا ءبىر جۋرنال ۇستاپ العان. جانارىندا ەرەكشە وت ويناپ, ءجۇزى بال-بۇل جانىپ تۇر. «بۇگىننەن باستاپ مەن مىنا جۋرنالدىڭ رەداكتورىمىن!», دەدى بالاشا شاتتانىپ. ونىڭ بۇلايشا قۋانعانىن بۇرىن-سوڭدى كورمەگەن ەدىم», دەپ تەبىرەنە ەسكە الادى.
قالامگەردىڭ «تىڭ تۇلەكتەرى», «توعىز پەرنە», «التىن بەسىك» اتتى كىتاپتارى جارىق كورگەن. بىرنەشە توپتامالىق جيناقتارعا ولەڭدەرى مەن وچەركتەرى ەنگەن.
سالتاناتتى ءىس-شارا بارىسىندا جۋرناليستيكا فاكۋلتەتىنىڭ وزات ستۋدەنتى ديانا ىسقاقوۆاعا جازۋشى-ءجۋرناليستىڭ شاكىرتتەرى تاعايىنداعان جىلىنا ءبىر رەت بەرىلىپ تۇراتىن بايتۇرسىن ءىلياس اتىنداعى شاكىرتاقى تابىستالدى. ال قالامگەردىڭ تۋىستارى دارىسحاناعا ينتەراكتيۆتى تاقتا تارتۋ ەتتى.
قوستاناي وبلىسى
