وتىرىس اشىلعانعا دەيىن قاداعالاۋ ۆەدومستۆولارى باسشىلارىن قىتاي كوممۋنيستىك پارتياسى ورتالىق كوميتەتىنىڭ ساياسي بيۋرو مۇشەسى, ساياسي-زاڭ كوميسسياسىنىڭ حاتشىسى چەن ۆەنتسين قارسى الدى. ەلىمىزدىڭ باس پروكۋرورى ءوز سوزىندە قازاقستان مەن قىتاي پروكۋراتۋرا ورگاندارى اراسىندا ىنتىماقتاستىعىنىڭ ارتىپ كەلە جاتقانىن جانە ەكى ەل كوشباسشىلارىنىڭ اراسىنداعى قارىم-قاتىناستى ۇندەستىرەتىنىن اتاپ ءوتتى.
وتىرىس بارىسىندا ءۇندىستان, يران, قازاقستان, قىرعىز رەسپۋبليكاسى, قىتاي, رەسەي فەدەراتسياسى, پاكىستان, تاجىكستان, وزبەكستان, بەلارۋس, موڭعوليا ەلدەرى پروكۋراتۋرالارىنىڭ باسشىلارى مەملەكەتتىك جاڭعىرتۋ, وڭىرلىك قاۋىپسىزدىك, ۇيىمداسقان قىلمىسقا قارسى كۇرەس جانە پروكۋرورلاردىڭ بىلىكتىلىگىن ارتتىرۋ ماسەلەلەرىن تالقىلادى. مۇشە مەملەكەتتەردىڭ قاداعالاۋ ورگاندارىنىڭ باسشىلارى قاتىسۋشى ەلدەردىڭ دامۋ ۇردىسىندە حالىقارالىق قاۋىپسىزدىك پەن قۇقىقتىق كەپىلدىكتەردى قامتاماسىز ەتۋ ماقساتىندا وسى ۇيىمنىڭ ىقپالىن كەڭەيتۋ, قارجى-ەكونوميكالىق سالاداعى قىلمىستارعا, تەرروريزم مەن ەكسترەميزمگە بايلانىستى ەسىرتكى مەن كيبەرقىلمىسقا قارسى ءىس-قيمىل جونىندەگى ىنتىماقتاستىقتى ارتتىرۋ, پروكۋرورلىق ءبىلىم بەرۋ ۇيىمدارى اراسىنداعى ءوزارا ءىس-قيمىلدى دامىتۋ ماقساتىندا كەلىسىمگە كەلدى.
كەزدەسۋ قورىتىندىسى بويىنشا پروكۋراتۋرا باسشىلارى بۇدان ءارى ءوزارا ىنتىماقتاستىقتىڭ باسىم باعىتتارى مەن تەتىكتەرىن ايقىندايتىن حاتتاماعا قول قويدى. سونىمەن قاتار شىۇ الاڭىندا ەلىمىزدىڭ باس پروكۋرورى قحر جوعارعى حالىق پروكۋراتۋراسىنىڭ باس پروكۋرورى ين يۋنمەن ەكىجاقتى كەزدەسۋ وتكىزىپ, قىلمىستىق ىستەر بويىنشا ءوزارا قۇقىقتىق كومەك كورسەتۋدىڭ, سوتتالعانداردى بەرۋدىڭ, سونداي-اق زاڭسىز شىعارىلعان اكتيۆتەردى قايتارۋدىڭ وزەكتى ماسەلەلەرىن تالقىلادى.
