«Robوland» فەستيۆالى قاراعاندىدا 2015 جىلدان بەرى ءوتىپ كەلەدى. بۇگىنگى كۇنى داستۇرگە اينالعان. 2016 جىلدان باستاپ حالىقارالىق مارتەبەگە يە بولدى. وسى ۋاقىتقا دەيىن رەسەي, قىرعىزستان, وزبەكستان, سەربيا, پولشا, يتاليا, گرەكيادان كەلگەن جاس تەحنيكا بىلگىرلەرى ونەر كورسەتكەن ەدى. جىل وتكەن سايىن فەستيۆالدىڭ دا اۋقىمى كەڭەيىپ جاتىر.
بيىلعى فەتيۆالدىڭ وزگەشەلىگى سول, جاسوسپىرىمدەرمەن قاتار پەداگوگتەر دە قاتىستى. مۇعالىمدەر Robوland Kazakhstan ساناتىندا ءوز شەبەرلىكتەرىن كورسەتتى.
پاۆلوداردان كەلگەن «ساتۋرن» روبوتتەحنيكا مەكتەبىنىڭ 2-سىنىپ وقۋشىسى «بولاشاقتىڭ مەكتەبىن» ويلاپ تاۋىپتى. ء«بىزدىڭ مەكتەپ مۇمكىندىگى شەكتەۋلى بالالارعا ارنالعان. ولار ساباققا ليفتىمەن كوتەرىلۋ ارقىلى بارا الادى», دەيدى قايسار قايىرجانوۆ.
وسكەمەننەن جەتەكشىسىمەن كەلگەن شىڭعىس مۇحامەدحانوۆتىڭ «روبوت ۆاللي رەتتەۋشى» جوباسى مەكتەپتەن ۇيىنە كەشقۇرىم قايتاتىن بالالارعا ارنالعان. «ۆاللي كەش باتقاندا جارىق جاعىپ, كولىكتى توقتاتادى. ەگەر كولىك قاتتى كەلە جاتسا, ال بالا جولدان ءوتىپ بارا جاتسا, ۆاللي دەرەۋ جولعا شىعىپ, جارىق جاعادى. ول كولىكتىڭ كەلە جاتقانىن الىستان سەزەدى. جول-كولىك اپاتىنان ساقتايدى», دەيدى ش.مۇحامەدحانوۆ.
ال RoboLand-2023 كورمەسىنە بىشكەكتەن كەلگەن 18 جاستاعى رينات سوۆەتقانوۆ «جەتى جىلدان استام روبوتتەحنيكامەن اينالىسىپ كەلەمىن, ونەرتابىسقا دەگەن سۇيىسپەنشىلىكتى وياتىپ, سوڭىندا باعدارلامالاۋ جانە 3D مودەلدەۋ جوبالارىنا قاتىستىم» دەيدى. فەستيۆالدىڭ ىرىكتەۋىنە 1 100-دەن اسا كوماندا قاتىسقان. فينالدىڭ وزىندە التى ەلدىڭ 300-دەن استام كومانداسى باق سىنادى.
داستۇرگە اينالعان فەستيۆالدىڭ تورەشىلەر توبىن حالىقارالىق سپورتتىق جانە ءبىلىم بەرۋ روبوتتەحنيكاسى قاۋىمداستىعىنىڭ پرەزيدەنتى ماكسيم ۆاسيلەۆ باسقارادى.
– جىل سايىن فەستيۆالدىڭ اۋقىمى ارتىپ كەلەدى. «RoboLand» ءارتۇرلى ەلدەردىڭ روبوتتەحنيكالىق شىعارماشىلىعىنىڭ سەرىكتەستەرىن بىرىكتىرەدى. مۇنداي فەستيۆالداردا جەڭىس ەمەس, قاتىسۋ ماڭىزدى. نەگىزگى سىيلىق – بۇل جەردە بالالاردىڭ الاتىن ءبىلىمى. ولار تاجىريبە الماسادى, باسقا قاتىسۋشىلاردىڭ جۇمىستارىن, تەحنيكالىق تاسىلدەرىن كورەدى. لەوناردو دا ۆينچي كارتينالارمەن قاتار, تىكۇشاقتىڭ پروتوتيپتەرىن جانە باسقا دا تەحنيكالىق ونەرتابىستاردى جاسادى. بۇل دا – شىعارماشىلىق. ول تەك ادەمى تەحنولوگيانى عانا ەمەس, وڭتايلى جۇمىس ىستەيتىن ۇتىمدى تەحنولوگيانى جاساۋعا باعىتتالدى, – دەيدى باس تورەشى.
«RoboLand-2023» كورمەسىنە كەلگەن شەتەلدىك قوناقتار قاتارىندا پورتۋگالياداعى مينحو ۋنيۆەرسيتەتىنىڭ وكىلى, پروفەسسور فەرناندو ريبەيرو دا بار.
– جاس قاتىسۋشىلاردىڭ روبوتتەحنيكاعا قۇمار بولۋى – ماڭىزدى. ولار جاس بولعانىمەن, نە قالايتىندارىن ءبىلىپ, سوعان قۋاناتىنى جاقسى. وسىنداي فەستيۆالدار ارقىلى وسكەلەڭ ۇرپاققا كوڭىل بولىنەدى. ويتكەنى ولار – ءبىزدىڭ بولاشاعىمىز. باسقا ەلدەردە تەحنيكالىق سالانىڭ قالاي دامىپ جاتقانى مەنى ۇنەمى قىزىقتىرادى. ءبىز ەلىمىزدە وسى باعىتتاعى ءبىلىم بەرۋ جوبالارىنا بالالاردى قىزىقتىرۋعا تىرىسامىز. قازىرگى تاڭدا RoboParty ۇيىمداستىرۋدامىز, – دەيدى ف.ريبەيرو.
جوعارىدا اتاپ وتكەنىمىزدەي, «RoboLand 2023» حالىقارالىق فەستيۆالىندەگى جالپى كوماندالىق ەسەپتە قاراعاندىلىق ورەندەر جەڭىسكە جەتتى. ەكىنشى ورىن وزبەكستان ەلىنە بۇيىرسا, ماڭعىستاۋ وبلىسىنىڭ وقۋشىلارى ءۇشىنشى ورىن يەلەندى.
سوڭعى سايىستا «دارىن» مەكتەبىنىڭ «ناقتى الەمدەگى STEM تەحنولوگيالار» مەن «اقپاراتتىق تەحنولوگيالار» مەكتەبىنىڭ «روبوتتارمان شوۋى» ۇزدىك تانىلدى. شاحتينسك قالاسىنداعى وقۋشىلار سارايىنىڭ «روبوگەومەتريا (2-دەڭگەي)» جوباسى ر.قوشقارباەۆ اتىنداعى ورتا مەكتەپ (نۇرا اۋدانى) وقۋشىلارىنىڭ «سۋ روبوتتارىنىڭ ءلابيرينتى» ەرەكشە كوزگە ءتۇستى. №12 نەگىزگى مەكتەپ پەن (وساكاروۆ اۋدانى) №20 مەكتەپ-ليتسەيىنىڭ (تەمىرتاۋ قالاسى) «3D ءپروتوتيپى (2-دەڭگەي)» جوبالارى دا وزىق ۇلگىلەر قاتارىنان كورىندى.
جەڭىمپازدارعا ديپلوم, مەرەيتويلىق مەدال جانە AITAS قازاقستاندىق حولدينگىنەن جاڭا زاماناۋي سمارتفون تابىستالدى.
قاراعاندى وبلىسى
