دوستىقتى جالاۋ ەتكەن جارىسقا وبلىستىق «Saryarqa» تەلەارناسى مەن ء«بىرىنشى قاراعاندى» تەلەارناسى, «Saryarqa Aqparat» مەدياحولدينگى جانە جۋرناليستيكا كافەدراسىنىڭ ۇستازدارىنان جاساقتالعان كوماندا قاتىستى.
كوماندا جەتەكشىلەرىمەن تارتىلعان جەرەبە بويىنشا الاڭعا «Saryarqa» تەلەارناسى مەن ء«بىرىنشى قاراعاندى» تەلەارناسىنىڭ كومانداسى شىقتى. ەكى كوماندا دا دوپ سوعۋعا ابدەن اككىلەنگەن جۋرناليستەر بار ەكەن. دەگەنمەن ء«بىرىنشى قاراعاندىداعى» قىز-جىگىتتەر 2:0 ەسەبىمەن جەڭىسكە جەتىپ, فينالعا جولداما الدى.
جۋرناليستيكا كافەدراسى مەن «Saryarqa Aqparat» مەدياحولدينگىنىڭ كومانداسىنىڭ ويىنى دا تارتىستى ءوربىدى. ەكى كوماندادا كۇندەلىكتى سپورتپەن شۇعىلدانىپ جۇرگەن شىمىر ويىنشىلار بار. ءبىرىنشى كەزدەسۋدە مەدياحولدينگ جەڭىسكە جەتتى.
ەكىنشى كەزەڭدە دە «Saryarqa Aqparat» ەسەپتە العا اجەپتاۋىر ۇزاپ كەتكەن ەدى. بىراق كافەدراداعىلار ويىن سوڭىندا جيناقتالىپ الىپ, باسىم ءتۇستى. جالپى ەسەپ 1:1 بولدى. قورىتىندى كەزدەسۋدە ابدەن ۆولەيبول ويىنىنا ماشىقتانىپ العان جۋرناليستيكا كافەدراسىنىڭ كومانداسى ايقىن جەڭىسكە جەتتى.
اقتىق كەزەڭدە جۋرناليستيكا كافەدراسى ء«بىرىنشى قاراعاندى» كومانداسىن دا ۇتىپ الدى. ال «Saryarqa Aqparat» تەلەارنالىق ارىپتەستەرىن ەكى كەزەڭدە دە جەڭىپ, جۇلدەلى ورىننان كورىندى. بۇل ءتۋرنيردىڭ باستى ماقساتى – دوستىقتى تۋ ەتۋ. ارىپتەستىكتى ارمەن قاراي نىعايتۋ.
– بۇل الاڭدا قارسىلاس جوق. ءبارىمىز – ارىپتەسپىز, دوسپىز. قىزمەت بارىسىندا عانا ەمەس, وسىنداي سپورتتىق شارالاردا دا باس قوسايىق. سپورت – ادامداردى ءبىر-بىرىنە جاقىنداستىرادى. ءوزارا بايلانىستى, اۋىزبىرشىلىكتى كۇشەيتەدى. ءاردايىم سپورتپەن شۇعىلدانىپ, سەرگەك جۇرەيىك. دوستىعىمىز جاساي بەرسىن, – دەدى فيلولوگيا فاكۋلتەتىنىڭ دەكانى ەلدوس تۇيتە.
قارسىلاستارىن تاجىريبەلى ويىنىمەن تاڭ قىلعان الاڭ يەلەرى جول بەردى. كۋبوكتەرىن ء«بىرىنشى قاراعاندى» كومانداسىنا تابىستادى. ءسويتىپ, 2-ورىن «Saryarqa Aqparat» مەدياحولدينگىنە, 3-ورىن «Saryarqa» تەلەارناسىنا بۇيىردى. جۋرناليستەر دە ءبىر مەزگىل ميكروفونىن, قالامىن, ديكتوفونىن قويىپ, بوي جازىپ قالدى. ۇيىمداستىرۋشىلار وسى ءتۋرنيردى داستۇرگە اينالدىراتىندارىن جانە جەتكىزدى.
قاراعاندى
