سەرىك جۇمانعارين اتاپ وتكەندەي, بيىل فورۋمعا 20 جىل تولىپ وتىر.
«فورۋمدا ءبىز ءبىرىنشى كەزەكتە ەكى ەلدىڭ تۇرعىندارى مەن بيزنەس وكىلدەرىنىڭ تۇيتكىلدى ماسەلەلەرىن تالقىلايمىز. بۇل فورۋمدا اۋىل شارۋاشىلىعى ماسەلەسىنە ۇلكەن ءمان بەرىلىپ وتىر. ماسەلەن, اۋىل شارۋاشىلىعىن تسيفرلاندىرۋ, اۋىل شارۋاشىلىعىنداعى جاستاردى قولداۋ جايىندا ءسوز قوزعالادى. سوندىقتان بۇل جەردە قانداي ساياسات بولۋى مۇمكىن؟ ءبىز تەك ەكونوميكالىق جانە ساۋدا قارىم-قاتىناستارى ماسەلەلەرىن تالقىلايتىن بولامىز. ساراپشىلار, ايماق باسشىلارى كەلەدى, وڭىرارالىق كەلىسىمدەرگە قول قويىلادى. ەڭ الدىمەن ساۋدا-ەكونوميكالىق كەلىسىمدەرگە قول قويىلادى. بۇل ەكى ەلگە ءتيىمدى بولادى دەپ ويلايمىن», دەدى پرەمەر-ءمينيستردىڭ ورىنباسارى.
جۇمانعاريننىڭ ايتۋىنشا, رەسەي قازاقستاننىڭ ەڭ ءىرى ساۋدا سەرىكتەسى بولىپ قالا بەرەدى. بۇل ەلمەن تاۋار اينالىمى بۇگىندە 27 ميلليارد دوللارعا جەتتى.
«وتكەن جىلى ەكسپورت 9 ميللياردتى قۇراسا, بيىلعى جىلى ءبىز ەكسپورتتا وسەمىز, بۇل جاعىنان دا جاقسى جۇمىس ىستەپ جاتىرمىز», دەپ قوستى سەرىك جۇمانعارين.
بۇعان دەيىن رەسەي پرەزيدەنتى ۆلاديمير ءپۋتيننىڭ قازاقستانعا جۇمىس ساپارىمەن كەلەتىنىن جازعان ەدىك. ساپار بارىسىندا ەكى ەل باسشىلارىنىڭ كەلىسسوزدەرى جوسپارلانعان, ونىڭ بارىسىندا قازاقستان-رەسەي ستراتەگيالىق سەرىكتەستىگىنىڭ وزەكتى ماسەلەلەرى تالقىلانادى. سونىمەن قاتار پرەزيدەنتتەر بەينەكونفەرەنتسيا ارقىلى قوستانايدا وتەتىن قازاقستان مەن رەسەيدىڭ 19-شى وڭىرارالىق ىنتىماقتاستىعى فورۋمىنا قاتىسادى.
