«Hero Training» باعدارلاماسىنىڭ ەكىنشى كەزەڭى كاسىپكەرلەردىڭ ۇلكەن قىزىعۋشىلىعىن تۋدىرعان. قازاقستان, قىرعىزستان, وزبەكستان, تاجىكستان, موڭعوليا, ازەربايجان جانە تۇركيا ستارتاپتارىنان بارلىعى 129 ءوتىنىم ءتۇستى. ستارتاپتار سكرينينگتىك, دياگنوستيكالىق قاتاڭ ىرىكتەۋدەن وتكەن. جوبالاردى دياگنوستيكالاۋ قورتىندىسى ەكى اپتاعا سوزىلعان. «Fundamentals of Entrepreneurship» ونلاين-اكسەلەراتسياسىنا قاتىسۋعا 80 ستارتاپ تاڭدالعان. ال كرەمني القابىنداعى «Draper University»-دەگى «hero Training» وفلاين اكسەلەراتسياسىنا قاتىسۋعا تەك 12-ءسى ىرىكتەلدى: «AlgoFarm», «Prosper Pay», «Loca, Pipedata AI», «EZ FACTOR», «Hired Valley», «TrustMe», «myMind», «Oku Toku», «WhoockAI», «Oraclus», «CheckAuto».
– «Hero Training» مۇشەلەرى «Draper University» كامپۋسىندا التى ايعا دەيىن ۋاقىت وتكىزەدى, وندا ولارعا باسپانا مەن جۇمىس كەڭىستىگى بەرىلەدى. بۇل ۋاقىت تاجىريبەلى تەحنولوگيالىق كاسىپكەرلەر مەن «Draper University» ەكوجۇيەسىنىڭ ساراپشىلارىنىڭ باسشىلىعىمەن جۇمىس ىستەي وتىرىپ, ستارتاپتارعا ينۆەستيتسيا تارتۋعا جانە امەريكالىق نارىققا شىعۋعا بىرەگەي مۇمكىندىك بەرەدى. وسى جىلدىڭ مامىر ايىندا كاليفورنياعا بارعان 15 ستارتاپتىڭ ءبىرىنشى لەگىنىڭ تۇلەكتەرى وقۋدى ءساتتى اياقتاپ, قازىر ءونىمدى دامىتۋ, ينۆەستيتسيالاردى تارتۋ جانە ءوز جوبالارىن الەمدىك دەڭگەيدە ماسشتابتاۋ بويىنشا بەلسەندى جۇمىس ىستەپ جاتىر, – دەدى «Astana Hub» باس ديرەكتورى ماعجان ماديەۆ.
ەستەرىڭىزگە سالا كەتەيىك, تيم درەيپەر «Digital Bridge – 2023» فورۋمىندا سويلەگەن سوزىندە «Astana Hub»-تا مەنى ءوز ەنەرگياسىمەن قۋاتتاعان ادامدارمەن كەزدەستىم. بۇل ۇلكەن الەۋەتى بار ەلگە كوزىمدى اشقان وتە قىزىقتى تاجىريبە بولدى. مۇنداعى ادامدار ءبىلىمدى جانە ىنتالى. شىنىندا دا, قازاقستان ورتالىق ازيا ءۇشىن IT-حابقا اينالۋى مۇمكىن», دەگەن ەدى.
«Draper University»-مەن ىنتىماقتاستىق تۋرالى شارتقا تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات ءمۋسيننىڭ اقش-قا رەسمي ساپارى كەزىندە قول قويىلعان ەدى. «Draper University» – كرەمني القابىندا بەدەلدى ءارى بۇرىننان قالىپتاسقان ەكوجۇيە. ال «Astana Hub» – ورتالىق ازيادان ونىمەن سەرىكتەستىك باعدارلامانى ىسكە قوسقان العاشقى تەحنوپارك.
