كورمەنىڭ اشىلۋ سالتاناتىندا «ەسىك» مۋزەي-قورىعىنىڭ ديرەكتورى گۇلميرا مۇحتاروۆا ءسوز سويلەپ, مازمۇنعا باي تاريحي جادىگەرلەر ۇسىنعان ارىپتەستەرىنە العىسىن ءبىلدىرىپ, ەلىمىزدىڭ تاريحي-مادەني مۇرالارىن دارىپتەۋدە مۇنداي بارىس-كەلىستىڭ ماڭىزى ەرەكشە ەكەنىن اتاپ ءوتتى.
قوناقتار دەلەگاتسياسىن باستاپ كەلگەن «وتىرار» مەملەكەتتىك ارحەولوگيالىق مۋزەي-قورىعىنىڭ ديرەكتورى جانگەلدى ماحاشوۆ ەكى مۋزەي اراسىنداعى ارىپتەستىك بايلانىستاردىڭ نىعايىپ كەلە جاتقانىنا توقتالدى.
سونداي-اق ول, كيەلى وتىرار ءوڭىرىنىڭ تاريحي-مادەني مۇرالارىنىڭ كەڭىنەن ناسيحاتتالۋىنا ءمان بەرىپ, مۋزەيتانۋ, ارحەولوگيا سالاسىنداعى ناتيجەلى جۇمىستار جۇيەلى جالعاساتىنىن جەتكىزىلدى.
«كونە وتىراردى زەرتتەۋ, عىلىمي سارالاۋ – سوناۋ ورتاعاسىرلىق ساياحاتشىلار مەن تاريحشىلاردان بەرى ءجىبىن ۇزبەي جالعاسىپ كەلەدى. بۇگىندە وتىرار الەمدىك ەسكەرتكىش بولىپ يۋنەسكو تاراپىنان مويىندالدى. قازىر وتىرار ءوڭىرىن عىلىمي زەرتتەۋ جۇمىستارى ءا.مارعۇلان اتىنداعى ارحەولوگيا ينستيتۋتى مەن «وتىرار» مەملەكەتتىك ارحەولوگيالىق مۋزەي-قورىعى جۇرگىزىپ جاتقان قازبا جۇمىستارىمەن جالعاسىپ كەلەدى», – دەدى جانگەلدى مەڭلىباي ۇلى.
ايتۋلى كورمەنىڭ اشىلۋ سالتاناتىندا ءال-فارابي اتىنداعى قازاق ۇلتتىق ۋنيۆەرسيتەتى تاريح فاكۋلتەتىنىڭ دەكانى, پروفەسسور دوسبول بايقوناقوۆ ءسوز سويلەپ, ۋنيۆەرسيتەت عالىمدارى ەلىمىزدەگى مۋزەي ماماندارىمەن بىرلەسكەن عىلىمي جوبالاردى ىسكە اسىرىپ وتىرعانىن ايتتى.
رۋحاني-مادەني جيىن بارىسىندا ەڭبەكشىقازاق اۋدانى قاراكەمەر اۋىلدىق مادەنيەت ءۇيىنىڭ ونەرپازدارى ءان-جىردان شاشۋ شاشىپ, كوپشىلىككە كوتەرىڭكى كوڭىل-كۇي سىيلادى.
سونىمەن قاتار مۋزەي ديرەكتورى گۇلميرا رايىلقىزى «ەسىك» مۋزەي-قورىعىمەن بەلسەندى ارىپتەستىك ورناتقان «وتىرار» مۋزەي-قورىعىنىڭ قىزمەتكەرلەرى مەن مەكتەپ مۇعالىمدەرىنە العىسىن ءبىلدىرىپ, ارنايى ماراپاتتادى.
كورمە – « ۇلى جىبەك جولى جانە وتىرار ح-ءحى عع», «وتىرار-قاراحان داۋىرىندە», ء«حىV-حV عع. تەمىر داۋىرىندەگى وتىرار», ء«حVى-ءحVىىى عع. وتىرار قازاق حاندىعى تۇسىندا», «وتىرارداعى جازبا مادەنيەتىنىڭ پايدا بولۋى» تاقىرىپتارىن قامتىعان. كورمە ەكسپوزيتسياسىمەن «وتىرار» مۋزەي-قورىعىنىڭ قىزمەتكەرى ەرلان اسكەريني وتىراردان تابىلعان تاريحي جادىگەرلەر جونىندە جان-جاقتى ماعلۇمات بەرىپ, تانىستىردى.
كورمەدە «وتىرار» مۋزەي-قورىعى قورى جيناعىنداعى ارحەولوگيالىق ەكسپوناتتار – كەراميكالىق بۇيىمدار, نۋميزماتيكالىق ماتەريالدار, شىنىدان جاسالعان زاتتار, سيرەك كەزدەسەتىن جادىگەرلەر, ەسكەرتكىشتەرگە قاتىستى اەروفوتولار مەن كارتالار ۇسىنىلدى.
الماتى وبلىسى
