ول 2019 جىلدان باستاپ قازاق تىلىنە قىزىعۋشىلىق تانىتا باستادى. العاشىندا قازاق ءتىلىن ۇستازبەن بىرگە ۇيرەنگەن. بۇگىندە تىلدى ءوز بەتىنشە ۇيرەنۋدى جالعاستىرىپ جاتقان كەمەرون فار وزىنە ءتىپتى قازاقشا ەسىم دە ويلاپ تاپقان. ول ءوزىن ايبالا قۇدايبەرگەنقىزى دەپ تانىستىرادى. بولاشاقتا قازاقستاندا تۇرعىسى كەلەتىن ايبالا ۇيرەنگەنىن الەۋمەتتىك جەلىدە ءبولىسىپ وتىرادى. قازىرگى تاڭدا ول 27 تىلدە سويلەي الادى.
سونداي-اق قازاقستاننىڭ باق وكىلدەرىنىڭ بىرىنە بەرگەن سۇحباتىندا قازاق ءتىلىن دە جەتىك مەڭگەرگىسى كەلەتىنىن ايتتى.
«كەلەشەكتە ايبالا دەگەن ەسىممەن قازاقستانعا كوشۋ ارمانىم بار. ماعان قازاقستاننىڭ تابيعاتى, مادەنيەتى ۇنايدى. سونىمەن قاتار ول جاقتا ادەمى ادامدار كوپ ەكەن. مەن تانيتىن قازاق دوستارىمنىڭ ءبارى ادەمى», دەيدى ول.
