« ۇلى دەرجاۆالار قايتا گەگەمون اتانۋعا ۇمتىلىپ جاتقان, ال باسقا ەلدەر بولجاپ بولمايتىن كۇيگە تۇسكەن الەمدە جاڭا پەرسپەكتيۆالار قۇرۋعا بولاتىن سەرىكتەسىڭ مەن دوستارىڭا ارقا سۇيەي الاتىنىڭدى بىلگەن جاقسى. وسىنداي ەلدەردىڭ قاتارىندا قازاقستان مەن فرانتسيا بار», دەپ جازدى ە.ماكرون.
سونداي-اق ول بولاشاقتا جاستار ەكى ەل اراسىنداعى ىنتىماقتاستىقتى ودان ءارى نىعايتاتىنىنا سەنىم ءبىلدىردى.
«بۇگىن قازاقستان مەن فرانتسيا اراسىندا بىرقاتار كەلىسىمگە قول قويىلدى. بۇل كەلىسىمدەر ارقىلى كوپتەگەن ماسەلە ءوز شەشىمىن وڭتايلى تابادى. استانادا كەزدەسكەن جاستار دوستىعىمىزدىڭ كورىنىسى. ولار مادەنيەتتەرىمىز بەن تىلدەرىمىزدى بايلانىستىراتىن بۋىن», دەدى فرانتسيا پرەزيدەنتى.
ايتا كەتەيىك, 2023 جىلدىڭ 1 قاراشاسىندا فرانتسيا پرەزيدەنتى ەممانۋەل ماكرون قازاقستانعا رەسمي ساپارمەن كەلدى. ونى ەلوردا اۋەجايىندا پرەمەر-مينيستر ءاليحان سمايىلوۆ كۇتىپ الدى.
قاسىم-جومارت توقاەۆ فرانتسيا باسشىسىن اقوردا رەزيدەنتسياسىندا سالتاناتتى تۇردە قارسى الدى. مەملەكەت باسشىلارى اراسىندا شاعىن جانە كەڭەيتىلگەن قۇرامدا كەلىسسوزدەر ءوتتى. قازاقستان پرەزيدەنتى ەممانۋەل ماكروننىڭ ساپارىن تاريحي دەپ اتادى.
قاسىم-جومارت توقاەۆ پەن ەممانۋەل ماكرون ەكىجاقتى كەلىسسوزدەر سوڭىندا باق وكىلدەرىنە بىرلەسكەن مالىمدەمە جاسادى.
قاسىم-جومارت توقاەۆ قازاقستانعا رەسمي ساپارىنىڭ سوڭىندا ەممانۋەل ماكروندى ەلوردا اۋەجايىندا ءوزى شىعارىپ سالدى. ال 2 قاراشاعا قاراعان ءتۇنى فرانتسيا باسشىسى وزبەكستانعا رەسمي ساپارمەن باردى.
ايتا كەتەيىك, بۇل فرانتسيا پرەزيدەنتىنىڭ قازاقستانداعى العاشقى ساپارى بولدى.
