وسى ورايدا مەكتەپ-ليتسەيدە ەكى مارتە كەڭەس وداعىنىڭ باتىرى اۆياتسيا گەنەرال-مايورى تالعات بيگەلدينوۆتىڭ اتىنا كابينەت اشىلدى. اتالعان كابينەتكە ۇشاقتاردىڭ ۇلگىلەرى, فوتوسۋرەتتەرى جانە ونىڭ ماراپاتتارىنىڭ كوشىرمەلەرى قويىلدى.
سالتاناتتى راسىمدە قورعانىس ءمينيسترىنىڭ ورىنباسارى گەنەرال-لەيتەنانت سۇلتان كامالەتدينوۆ پەن كەڭەس وداعىنىڭ باتىرى, حالىق قاھارمانى, اۆياتسيا گەنەرال-مايورى, ۇشقىش-عارىشكەر توقتار اۋباكىروۆ لەنتا كەستى.
شاراعا اۋە قورعانىسى كۇشتەرىنىڭ باس قولباسشىسى اۆياتسيا گەنەرال-مايورى داۋرەن قوسانوۆ, استانا قالاسى اكىمىنىڭ ءبىرىنشى ورىنباسارى ەسەت بايكەن, ەلوردالىق ءبىلىم باسقارماسىنىڭ باسشىسى قاسىمحان سەنعازىەۆ, «قارۋلى كۇشتەر ارداگەرلەرى» رقب توراعاسىنىڭ ورىنباسارى گەنەرال-مايور مارات ناعۇمانوۆ, جازۋشى, قوعام قايراتكەرى ومىرزاق وزعانباەۆ, ەڭبەك ارداگەرى بولات تەمىرباەۆ قاتىستى.
ايگىلى ۇشقىش اۋە شايقاستارىندا جاۋ ۇشاقتارىن جايراتقانى ءۇشىن 24 جاسىندا كەڭەس وداعىنىڭ باتىرى اتاندى. باتىر جاۋىنگەرلىك ميسسيامەن 305 مارتە ۇشىپ, قارسىلاستىڭ بىرنەشە ۇشاعىن اتىپ تۇسىرگەن. سوعىستان كەيىن تالعات بيگەلدينوۆ كسرو اسكەري-اۋە كۇشتەرى مەن ازاماتتىق اۆياتسيادا قىزمەتىن جالعاستىردى.
قارۋلى كۇشتەر مەملەكەتتىك اسكەري-تاريحي مۋزەيىنىڭ اتسالىسۋىمەن مەكتەپ-ليتسەيدە سوعىس قاھارمانى ت.بيگەلدينوۆكە ارنالعان كوشپەلى كورمە ۇيىمداستىرىلدى.
اتالعان مەكتەپ-ليتسەيدە فەنيكس» پىكىرتالاس كلۋبى مۇشەلەرى مەن شارا قوناقتارىنىڭ قاتىسۋىمەن «ەرلىك – ەلگە مۇرا, ۇرپاققا – ۇلگى» تاقىرىبىندا دوڭگەلەك ۇستەل ءوتىپ, وقۋشىلارعا ۇشقىش ماماندىعىنىڭ ەرەكشەلىكتەرى ايتىلىپ, سۇراقتارىنا جاۋاپتار بەرىلدى.
اتى اڭىزعا اينالعان شابۋىلداۋشى ۇشقىش تالعات بيگەلدينوۆتىڭ قۇرمەتىنە وقۋشىلار «ۇشۋ ءۇشىن جاراتىلعان» اتتى ادەبي كومپوزيتسيا ورىندادى. ءىس-شارا مەكتەپ-ليتسەي ۇجىمىنىڭ كونتسەرتتىك باعدارلاماسىمەن اياقتالدى.
