ەرلان قۇسايىننىڭ ءۇش جوعارى ءبىلىمى بار: ە. ا. بوكەتوۆ اتىنداعى قاراعاندى مەملەكەتتىك ۋنيۆەرسيتەتىن «قازاق ءتىلى مەن ادەبيەتىنىڭ وقىتۋشىسى» ماماندىعى بويىنشا, قازتۇتىنۋ وداعىنىڭ قاراعاندى ەكونوميكالىق ۋنيۆەرسيتەتىن «ەكونوميكا سالاسىنداعى قۇقىقتىق رەتتەۋ» ماماندىعى بويىنشا, قر پرەزيدەنتى جانىنداعى مەملەكەتتىك باسقارۋ اكادەمياسىنىڭ ماگيستراتۋراسىن بىتىرگەن.
ەڭبەك جولىن 1999 جىلى قازاق ءتىلى ءپانىنىڭ مۇعالىمى بولىپ باستاعان. 2007 جىلدان بەرى مەملەكەتتىك قىزمەتتە. قاراعاندى وبلىسى كاسىپكەرلىك جانە ونەركاسىپ دەپارتامەنتىنىڭ قارجى, ۇيىمداستىرۋ جانە كادر جۇمىسى ءبولىمىنىڭ باس مامانى بولىپ جۇمىس ىستەدى.
2008 جىلدان 2014 جىلعا دەيىن قاراعاندى وبلىسى اكىمىنىڭ ءباسپاسوز قىزمەتىندە ءتۇرلى قىزمەتتەر اتقاردى.
سودان كەيىن بۇقار جىراۋ اۋدانى اكىمىنىڭ ورىنباسارى بولىپ جۇمىس ىستەدى. 2015 جىلدان 2018 جىلعا دەيىن وبلىس اكىمى اپپاراتىنىڭ قازاقستان حالقى اسسامبلەياسى حاتشىلىعىنىڭ باسشىسى قىزمەتىن اتقاردى. قاراعاندى وبلىسى اكىمى اپپاراتىنىڭ «قوعامدىق كەلىسىم» مەملەكەتتىك مەكەمەسىنىڭ ديرەكتورى, ىشكى ساياسات باسقارماسى باسشىسىنىڭ ورىنباسارى جانە وسى باسقارمانىڭ باسشىسى بولدى.
2022 جىلدىڭ ساۋىرىنەن باستاپ قارقارالى اۋدانىنىڭ اكىمى قىزمەتىن اتقاردى.
