رىباكينا ەكىنشى اينالىمدا گرەكيالىق ماريا ساككاريدى 6:0, 6:7 (4), 7:6 ەسەبىمەن ۇتتى. وسى جەڭىسىنىڭ ارقاسىندا لەنا توپتان شىعۋ مۇمكىندىگىن ساقتاپ قالدى.
ەكىنشى اينالىمنىڭ تاعى ءبىر كەزدەسۋىندە دجەسسيكا پەگۋلا الەمنىڭ ءبىرىنشى راكەتكاسى ارينا سابالەنكانى 6:4 6:3 ەسەبىمەن ۇتىپ, ءتۋرنيردىڭ جارتىلاي فينالىنا مەرزىمىنەن بۇرىن شىقتى.
ەلەنا رىباكينا مەن ارينا سابالەنكو سوڭعى تۋردا Bacalar توبىنداعى ەكىنشى جولدامانى ساراپقا سالادى. بۇل ماتچ 3 قاراشاعا قاراعان ءتۇنى وتەدى.
ال الەكساندر بۋبليك پاريجدەگى ماستەرستىڭ ءۇشىنشى كەزەڭىنە شىقتى. قازاقستان تەننيسشىسى ەكى تايبرەيكتە چيلي وكىلى نيكولاس گارريدى 7:6 (3), 7:6 (3) ەسەبىمەن جەڭدى. شيرەك فينالعا شىعۋ ءۇشىن بۋبليك رەسەيلىك دانيل مەدۆەدەۆ پەن بولگارلىق گريگور ديميتروۆ اراسىنداعى كەزدەسۋدىڭ جەڭىمپازىمەن وينايدى.
