Aqyl Battle Cup» رەسپۋبليكالىق زياتكەرلىك ويىنى مادەنيەت جانە اقپارات مينيسترلىگىنىڭ قولداۋىمەن بيىل العاش رەت وتكىزىلدى. ءبىلىم بايگەسىنىڭ باستى ماقساتى – مەملەكەتتىك ءتىلدى جاستار اراسىندا ءبىلىم مەن بىرلىكتىڭ نەگىزگى بەلگىسى رەتىندە ناسيحاتتاۋ. زياتكەرلىك شايقاس ء«تىل تاعدىرى – ەل تاعدىرى» جوباسى اياسىندا 2025 جىلدىڭ سوڭىنا دەيىن جىل سايىن وتكىزىلەدى دەپ جوسپارلانعان.
استانادا وتكەن اقىل-وي دوداسىنىڭ جەڭىمپازدارى – اباي وبلىسى لينگۆيستيكالىق ورتالىعىنىڭ فيلولوگى جاندوس قالياقپاروۆ, اباي اۋدانى ورتا مەكتەبىنىڭ باستاۋىش سىنىپ جانە ماتەماتيكا ءپانىنىڭ مۇعالىمدەرى بالاۋسا سايلاۋبەكوۆا جانە ايتولقىن ەرمەكوۆا.
– فينالدا قاتتى تولقىدىق. سۋپەرفينالداعى قارسىلاسىمىز – جامبىلدىق كوماندا ەكى كۇندىك شايقاستا ەڭ ۇزدىك ناتيجە كورسەتتى. سوندىقتان بىزگە تاپقىرلىق قانا ەمەس, جەدەلدىك تانىتۋ دا ماڭىزدى بولدى. سۋپەرفينالدىڭ جالعىز سۇراعى الاشوردا تاريحىمەن بايلانىستى بولعاندىقتان, تۇيمەنى قارسىلاسىمىزدان بۇرىن باستىق. ەڭ باستىسى, ءبىز – ءوز وقۋشىلارىمىزعا ۇلگىمىز, – دەدى «Aqyl Battle Cup» رەسپۋبليكالىق ويىنىنىڭ جەڭىمپازدارى.
جارىستى «بولاشاق قازاقستانعا» قوعامدىق بىرلەستىگى ۇيىمداستىردى. ەلىمىزدىڭ بارلىق وڭىرىنەن 14 پەن 35 جاس ارالىعىنداعى 150-دەن استام ازامات قاتىسىپ, 50 كوماندا اراسىنان اباي وبلىسىنىڭ «تەلقارا» كومانداسى وق بويى وزىق شىقتى. «تەلقارا» كومانداسى باس جۇلدەگە تىگىلگەن
1 ميلليون تەڭگەنى ەنشىلەسە, ءى ورىن العان جامبىلدىق «دارا» كومانداسى 500 مىڭ تەڭگەگە يە بولدى. ماڭعىستاۋ وبلىسىنان كەلگەن «West coast» كومانداسى ءىى ورىندى جانە 300 مىڭ تەڭگەلىك سىيلىقتى يەلەندى. ءىىى ورىن مەن 200 مىڭ تەڭگەلىك سىيلىق باتىس قازاقستان وبلىسىنان كەلگەن «Europolis» كومانداسىنا بۇيىردى.
