فوتو: شقو تجد ءباسپاسوز قىزمەتى
«وتكەن قىسقى كەزەڭدە وبلىستىڭ اۆتوموبيل جولدارىندا 7 اۆاريالىق-قۇتقارۋ جۇمىستارى جۇرگىزىلدى, ونىڭ ىشىندە 168 بالا قۇتقارىلدى, قار قۇرساۋىنان 7 بىرلىك تەحنيكا ەۆاكۋاتسيالاندى», دەدى شقو تجد باستىعىنىڭ ورىنباسارى ارمان توقانوۆ.
مامانداردىڭ ايتۋىنشا, اۆتوكولىك ايازعا توتەپ بەرىپ, ۇزدىكسىز جۇمىس ىستەپ, قيىندىق تۋدىرمايتىنداي ەتىپ دايىندالۋى كەرەك.
ەڭ الدىمەن, كولىكتىڭ جارامدىلىعىن تەكسەرۋ ماڭىزدى. تەجەگىشتەردىڭ جۇمىس ىستەيتىنىن تەكسەرىڭىز, مايدى تومەن تەمپەراتۋراعا, دوڭگەلەكتەردى قىسقى رەزەڭكەگە اۋىستىرىڭىز. جولعا شىعار الدىندا ءسىز باراتىن ايماقتىڭ اۋا-رايى بولجامىن, قاتتى جەلدىڭ, قالىڭ قاردىڭ جانە كوكتايعاقتىڭ سالدارىنان بولاتىن جولدىڭ جاي-كۇيىن تەكسەرىپ العانىڭىز ابزال.
توتەنشە جاعداي كەزىندە ءسىز تولىق دايىن بولۋىڭىز كەرەك, سوندىقتان بارار الدىندا جۇكسالعىشتا نە بولۋى كەرەكتىگىن تەكسەرىڭىز: سۇيرەۋ كابەلى, اپاتتىق توقتاۋ بەلگىسى, بالتا, كولىكتى وتالدىرۋعا ارنالعان سىم, جانارماي قورى, كۇرەك, قولشام جانە اينەكتەگى مۇزعا قارسى سۇيىقتىق, جوندەۋگە ىڭعايلى قولعاپ. جولعا شىققاندا مىندەتتى تۇردە جىلى زاتتاردى, ازىق-ت ۇلىكتەردى جيناپ, جەڭىل تاعامدار دايىنداڭىز.
ارينە, توتەنشە جاعداي كەزىندە «112» نومىرىنە حابالاسۋ كەرەك. قۇتقارۋشىلاردى شاقىرۋ ءۇشىن ارقاشان وزىڭىزبەن بىرگە ۇيالى تەلەفوندى الىپ ءجۇرىڭىز. ونى قۋاتتاڭىز, قوسىمشا power bank الىڭىز جانە اۆتوكولىك ەۆاكۋاتورلارىنىڭ نومىرلەرىن جازىپ الىڭىز.
جاقىندارىڭىزعا باعىتىڭىز تۋرالى ەسكەرتىڭىز جانە ساپار بارىسىندا ولارمەن بايلانىس ورناتىڭىز.
ەگەر ءسىزدىڭ كولىگىڭىز قىس مەزگىلىنە دايىن بولماسا داۋىل تۋرالى ەسكەرتۋلەر جاريالاعان كەزدە تاۋەكەلگە بارماڭىز جانە ەلدى مەكەندەردەن تىس جەرلەرگە شىقپاڭىز.
