گيستولوگيالىق زەرتتەۋمەن اينالىساتىن ينستيتۋتتىڭ عىلىمي قىزمەتكەرى جازيرا سىدىقوۆانىڭ ايتۋىنشا, جاعدايدى باعالاۋ جانە سىناما الۋ ءۇشىن شۇعىل ەكسپەديتسيا جىبەرىلگەن.
عالىمدار كەلگەنگە دەيىن 51 ولەكسە باۋتينو اۋىلى ماڭىنداعى پوليگونعا اپارىلعان. وندا, تۇبەكتە قاتتى ىدىراۋ ساتىسىندا بەكىرە بالىقتارىنىڭ 75 ءتۇرى تابىلدى.
وقيعا ورنىنا بارعان ينستيتۋت قىزمەتكەرلەرى زەرتتەۋ ءۇشىن بالىقتار مەن يتبالىقتاردان سىناما الدى.
قاراجامباس اۋدانىندا (بوزاششى تۇبەگى) ماڭعىستاۋ وبلىسى بويىنشا بالىق شارۋاشىلىعى ينسپەكتسياسى تاعى 48 يتبالىق ولەكسەسىن تاۋىپ العان.
«ەكى ۋچاسكەدەگى يتبالىقتاردىڭ ولەكسەلەرى قاتتى ىدىراۋ ساتىسىندا بولدى. ولەكسەلەردەن كوگەرگەن نەمەسە مەحانيكالىق زاقىمدانۋ ىزدەرى تابىلعان جوق. جاپپاي قىرىلۋدىڭ سەبەبى ءالى انىقتالعان جوق», دەپ ءتۇسىندىردى جازيرا سىدىقوۆا.
