قاراعاندى وبلىسىنىڭ ستاتسيونارلارىندا قازىر 24 پاتسيەنت ەم قابىلداپ جاتىر. بارلىق زارداپ شەككەندەردىڭ گەموديناميكالىق كورسەتكىشتەرى تۇراقتى, جاعدايدىڭ ناشارلاۋى بايقالمايدى.
«پروف. ح. ج. ماقاجانوۆ اتىنداعى كوپسالالى اۋرۋحانا» شجق كمك توكسيكولوگيا بولىمىندە جەڭىل جانە ورتاشا اۋىرلىقتاعى ۋىتتى گازدارمەن ۋلانۋ دياگنوزىمەن 20 پاتسيەنت جاتىر, ولار دەتوكسيكاتسيا تەراپياسىن جانە سيمپتوماتيكالىق ەم الىپ جاتىر.
ءبىر پاتسيەنت ءتۇرلى جاراقاتتارمەن رەانيماتسيا جانە قارقىندى تەراپيا بولىمىندە, جاعدايى تۇراقتى.
تاعى ءبىر زارداپ شەككەن كەنشى تراۆماتولوگيا بولىمىندە سول جاق پنەۆموتوراكس دياگنوزىمەن ەم الۋدا, جاعدايى ورتاشا اۋىر, تۇراقتى.
ەكى كەنشى «شاحتينسك قالاسىنىڭ ورتالىق اۋرۋحاناسى» كمك تەراپيا بولىمىندە ۋلى گازدارمەن ۋلانعان, جاعدايى ورتاشا اۋىرلىق دارەجەسىنە جاقىن.
قابىلداۋ-دياگنوستيكالىق بولىمشەلەر دەڭگەيىندە زارداپ شەككەندەر تەكسەرىلىپ, امبۋلاتوريالىق ەمدەۋگە جىبەرىلدى. بارلىق پاتسيەنتتەرگە قاجەتتى دياگنوستيكالىق تەكسەرۋلەر مەن مانيپۋلياتسيالار جۇرگىزىلدى, مەديتسينالىق كومەك كورسەتۋ ءۇشىن بارلىق بەيىندى قىزمەتتەر تارتىلدى, قازاقستان رەسپۋبليكاسى دەنساۋلىق ساقتاۋ مينيسترلىگىنىڭ رەسپۋبليكالىق ماماندارىمەن – تراۆماتولوگيا جانە ورتوپەديا جانە نەيروحيرۋرگيا عىلىمي ورتالىقتارىمەن كونسۋلتاتسيالار وتكىزىلدى, سونداي-اق وبلىستىق قاجەتتى ماماندار تارتىلدى.
ايتا كەتۋ كەرەك, اپات ورنىندا پسيحولوگيالىق كومەك كورسەتۋ جانە ۇيلەستىرۋ اياسىندا 16 پسيحولوگ جۇمىس ىستەپ جاتىر. سونىمەن قاتار قوسىمشا ەرتەڭ وكج-دان زارداپ شەككەندەر مەن ولاردىڭ تۋىستارىنا قولداۋ كورسەتۋ جانە كومەك كورسەتۋ ءۇشىن ماماندار بارادى.
