«Ortalyq Qazaqstan» سايتىنا جولداعان كوڭىل ايتۋ حاتىندا بىلاي دەلىنگەن:
«كوستەنكو شاحتاسىندا بولعان اپات كەزىندە قازا بولعان كەنشىلەردىڭ وتباسىنا, تۋعان-تۋىستارىنا قايعىلارىنا ورتاقتاسىپ كوڭىل ايتامىن.
«ارسەلورميتتالتەمىرتاۋ» كومپانياسىنىڭ شاحتالارىندا اپاتتى جاعدايلاردىڭ ءجيى بولۋى وكىنىشتى. كاسىپورىن باسشىلارىنىڭ سالعىرتتىعى سالدارىنان قانشاما وتباسى اسىراۋشىسىنان ايىرىلىپ, قاسىرەت شەگىپ وتىر. مۇنشاما قايعىنىڭ ورنىن تولتىرۋ مۇمكىن ەمەس.
كەشەگى اپات – قاراعاندى كومىر باسسەينى تاريحىنداعى ەڭ ءىرى اپاتتاردىڭ ءبىرى. اۋىر قايعى. وسىنداي قيىن ساتتەردە زارداپ شەككەندەرگە رۋحاني قولداۋ كورسەتىپ, اۋىر قايعىنى ءبولىسىپ, جىلى لەبىز ءبىلدىرىپ جاتقان بارشا وتانداستارىما العىسىم شەكسىز.
مەن قانداي جاعدايدا دا حالقىممەن بىرگەمىن! قايعىڭا ورتاقپىن, قاراعاندىم! قازا بولعانداردىڭ يمانى سالامات بولسىن, جاراقات العاندار تەز ساۋىعىپ, وتباسىلارىنا ورالسىن!», دەدى توقتار اۋباكىروۆ.
