فوتو: سەنات
سەنات توراعاسى facebook جانە Instagram پاراقشالارىندا: «مەملەكەت باسشىسى بۇل جاعدايدى تىكەلەي ءوز باقىلاۋىنا الىپ, ۇكىمەتكە كەنشىلەردىڭ وتباسىلارىنا بارلىق قاجەتتى كومەك كورسەتۋدى تاپسىردى. وقيعانىڭ ءمان-جايىن انىقتاۋ ءۇشىن ۇكىمەتتىك كوميسسيا قۇرىلىپ, ءتيىستى جۇمىستار باستالىپ كەتكەنىن دە اتاپ وتكەن ءجون», دەدى.
سونداي-اق ماۋلەن اشىمباەۆ الەۋمەتتىك جەلىلەردەگى پاراقشالارىندا پرەزيدەنتتىڭ ۇكىمەتكە «ارسەلورميتتالتەمىرتاۋ» كومپانياسىمەن ينۆەستيتسيالىق ىنتىماقتاستىقتى توقتاتۋدى تاپسىرعانىن اتاپ, ەلىمىزدىڭ باس پروكۋراتۋراسى دا سوتقا دەيىنگى تەرگەپ-تەكسەرۋ جۇمىستارىن باستاپ كەتكەنىن ايتىپ ءوتتى.
«الداعى ۋاقىتتا قولعا الىنعان شارالار ءوز ناتيجەسىن بەرىپ, كىنالىلەر زاڭ جۇزىندە جاۋاپقا تارتىلادى دەپ سەنەمىز جانە مۇنداي توتەنشە وقيعالار ەندى ەشقاشان قايتالانباسىن دەپ تىلەيمىن», دەپ جازدى سەنات سپيكەرى.
